ەلوردالىق ساياباقتا قىس مەزگىلى رەسمي تۇردە اشىلدى. اشىلۋ قۇرمەتىنە ساحنادا ەسترادا جۇلدىزدارى ونەر كورسەتتى، ال ءىس-شارا قوناقتارىنىڭ اراسىندا سەرتيفيكاتتار مەن سىيلىقتار ويناتىلدى. جۋىردا اتالمىش ساياباقتا جەلىلىك مۇز ايدىنى اشىلادى، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.
قىسقى دەمالىس ورنىندا ەستەلىكتى فوتوسۋرەتتەر ءۇشىن ءارتۇرلى فوتوايماقتار ورناتىلعان. گيرلياندتارمەن بەزەندىرىلگەن شىرشالار مەن قاراعايلار ساياباققا ەرەكشە مەرەكەلىك اتموسفەرا سىيلاپ تۇر. سونىمەن قاتار مۇنداعى كەلەتىن دەمالۋشىلارعا ارناپ ءتۇرلى تاماقتانۋ ورىندارى مەن تەگىن مۇز سىرعاناقتارى اشىلدى.
سونداي-اق سىناپ باعانالارى تومەن تەمپەراتۋراعا تۇسكەننەن كەيىن ساياباقتا مۇز ايدىنىنىڭ سوڭعى قاباتى قۇيىلادى. بۇل - ەلورداداعى العاشقى جانە ەڭ ۇزىن جەلىلىك مۇز ايدىنى. ونىڭ ۇزىندىعى - ءبىر باعىتتا 290 مەتر، ال جالپى سىرعاناۋ جولىنىڭ ۇزىندىعى 580 مەتر بولماق. ءوز كونكيلەرى بار كەلۋشىلەر ءۇشىن مۇز ايدىنىنا شىعۋ تەگىن بولادى.
ساياباققا تۇران داڭعىلى (ساعات ەسكەرتكىشىنىڭ جانىندا) جاعىنان كىرۋگە بولادى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан