استانادا «جىل ۆولونتەرى» حالىقارالىق سىيلىعىن تابىستاۋ ءراسىمى ءوتىپ، «يگى ىستەر مارافونى» رەسپۋبليكالىق جوباسى قورىتىندىلاندى.
ءىس-شارا حالىقارالىق ۆولونتەرلەر كۇنى اياسىندا جانە تۇراقتى دامۋ ماقساتتارىنداعى حالىقارالىق ۆولونتەرلەر جىلىنىڭ رەسمي باستالۋى قارساڭىندا ۇيىمداستىرىلدى.
اتالعان جىلدى جاريالاۋ باستاماسىن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ كوتەرگەن بولاتىن.
جىلدىڭ رەسمي اشىلۋى ب ۇ ۇ- نىڭ نيۋ-يوركتەگى شتاب-پاتەرىندە وتەدى.
سونىمەن قاتار بۇگىن «يگى ىستەر مارافونى» رەسپۋبليكالىق جوباسىنىڭ قورىتىندىلارى جاريالاندى. مارافون بارىسىندا قازاقستاندىقتار 9 مىڭنان استام يگى ءىس اتقاردى. بايقاۋ ناتيجەسىندە ەڭ جوعارى بەلسەندىلىك تانىتقان 20 جەڭىمپاز انىقتالدى. جالپى، جوباعا 40 مىڭعا جۋىق قازاقستاندىق قاتىستى.
بۇدان بۇرىن ق ر پرەمەر-ءمينيسترىنىڭ ورىنباسارى - مادەنيەت جانە اقپارات ءمينيسترى ايدا بالايەۆا ەرىكتىلەردى مەرەكەسىمەن قۇتتىقتاعانىن جازعانبىز.