استانادا جىل سوڭىنا دەيىن 9 پروبلەمالى تۇرعىن ءۇيدىڭ قۇرىلىسى اياقتالماق

استانا. KAZINFORM - ەلوردادا جىل سوڭىنا دەيىن قۇرىلىسى ۇزاققا سوزىلىپ كەتكەن 9 تۇرعىن ءۇي پايدالانۋعا بەرىلىپ، 431 وتباسى پاتەر كىلتىن الماق. بۇل تۋرالى استانا اكىمدىگىنىڭ باسپا ءسوز قىزمەتى حابارلادى.

اكىمدىك كەلتىرگەن مالىمەتتەرگە سۇيەنسەك، 2019 -جىلى ەلوردادا 16 مىڭنان اسا ۇلەسكەر قۇرىلىسى اياقتالۋىن كۇتىپ جۇرگەن 150 گە جۋىق پروبلەمالىق تۇرعىن ءۇي بولعان. 6  جىلدا 140 تان استام تۇرعىن ءۇي كەشەنىنىڭ قۇرىلىسى اياقتالدى. وسىلايشا، 15,5 مىڭعا جۋىق ۇلەسكەر وتباسى كوپتەن كۇتكەن پاتەرىنىڭ كىلتىن العان. ولاردىڭ اراسىندا بۇل كۇندى 15 جىلدان استام كۇتكەندەر دە بار.

سونداي- اق قالا اكىمدىگى بيىل جىل سوڭىنا دەيىن قۇرىلىسى ۇزاققا سوزىلىپ كەتكەن 9 تۇرعىن ءۇيدى پايدالانۋعا بەرۋ جوسپاردا بارىن اتاپ ءوتتى.

«بيىل قالعان ۇيلەردىڭ قۇرىلىسىن اياقتاۋ جوسپارلانعان. بۇل رەتتە ۇلەسكەرلەردىڭ جالپى سانى 431 وتباسىن قۇرايدى. قالعان 8 وبەكتىنىڭ ۇلەسكەرلەرىنە (بۇل 9 ءۇي) كىلتتەردى بيىلعى جىلدىڭ سوڭىنا دەيىن بلوكپەن بەرۋ جوسپارلانعان. بۇل باعىتتاعى جۇمىس جالعاسۋدا جانە ەلوردا اكىمدىگىنىڭ ەرەكشە باقىلاۋىندا» ، - دەپ جازىلعان قالالىق اكىمدىكتىڭ Kazinform عا بەرگەن جاۋابىندا.

ايتا كەتەيىك، بۇعان دەيىن ەلىمىزدە ۇلەسكەرلىك قۇرىلىس بويىنشا پروبلەمالى نىساندار قاي قالالاردا كوپ تىركەلگەنى تۋرالى جازعان ەدىك.