استانادا جىلۋ اقىسى قالاي ەسەپتەلەدى

استانا. KAZINFORM - «استاناەنەرگوسبىت» ج ش س جىلۋمەن قامتۋعا ناقتى قوسىلعان كۇننەن باستاپ ەسەپتەۋ جۇرگىزەدى.

24-قىركۇيەكتەن باستاپ استاناداعى تۇرعىن ۇيلەردى جىلۋمەن جابدىقتاۋعا كەزەڭ-كەزەڭىمەن قوسۋ باستالدى، ول بىرنەشە كۇن ىشىندە جۇزەگە اسادى.

كومپانيانىڭ حابارلاۋىنشا، ەسەپتەۋ ەكى تۇردە بولۋى مۇمكىن- ۇيدەگى ەسەپتەۋ قۇرىلعىلارى بار جانە ولار جوق جاعدايدا:

- ۇيدە ەسەپكە الۋ قۇرىلعىلارى بولسا، ولاردىڭ كورسەتكىشتەرى بويىنشا پاتەردىڭ اۋدانىنا پروپورتسيونالدى جانە جىلۋمەن جابدىقتاۋ قوسىلعان كۇننەن باستاپ جۇرگىزىلەدى. بۇل جاعدايدا تاريف 3557,60 تەڭگە/گ ك ا ل قۇرايدى (ق ق س قوسا العاندا)؛

- تۇرعىن ۇيلەردە ەسەپكە الۋ ءۇۇرىلعىلارى نەمەسە ۋاقىتشا جۇمىس ىستەمەيتىن ەسەپكە الۋ قۇرىلعىلارى بولماعان جاعدايدا - ەسەپتەۋ استانا قالاسىنىڭ تۇرعىن ءۇي قورىن جىلىتۋعا ارنالعان سىرتقى اۋانىڭ ناقتى تەمپەراتۋراسىنا جانە ناقتى قوسىلعان كۇن ءۇشىن تۇزەتىلگەن تۇتىنۋ نورمالارى نەگىزىندە جۇرگىزىلەدى. ەسەپتەۋ اسپاپتارى جوق ۇيلەر ءۇشىن تاريف 4279,64 تەڭگە/گ ك ا ل (ق ق س قوسا العاندا).

كوممۋنالدىق جىلۋ ەنەرگياسىن ەسەپكە الۋ قۇرىلعىلارىن ورناتۋدىڭ تەحنيكالىق مۇمكىندىگى جوق ەسكى، اپاتتى تۇرعىن ءۇي-جايلاردىڭ، باراك ءتيپتى ۇيلەردىڭ تۇرعىندارى ءۇشىن تاريف - 3566,37 تەڭگە/گ ك ا ل (ق ق س قوسا العاندا).

ەسكە سالا كەتسەك، استاناداعى الەۋمەتتىك نىساندار 23-قىركۇيەكتە جىلۋ جۇيەسىنە قوسىلا باستادى.