استانادا جول اپاتىنان 24 جاستاعى ازامات مەرت بولدى
09:06, 02 - شىلدە 2025
استانا. KAZINFORM - ەلوردادا جول اپاتىنان Toyota Land Cruiser كولىگىنىڭ جۇرگىزۋشىسى مەرت بولدى.
استانا قالالىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، جول اپاتى سەيسەنبى كۇنى قالداياقوۆ كوشەسىنىڭ بويىندا بولدى.
الدىن الا مالىمەتتەر بويىنشا، 24 جاستاعى جۇرگىزۋشى «ارىس» كوپىرىنىڭ بويىمەن كەلە جاتىپ، كولىكتى باسقارا الماي قالعان. سونىڭ سالدارىنان كولىك اۋدارىلىپ، جولدىڭ قارسى بەتىنە شىعىپ كەتىپ، وزگە ەكى كولىكپەن سوقتىعىسقان.
جۇرگىزۋشى العان جاراقاتتارىنىڭ سالدارىنان وقيعا ورنىندا كوز جۇمدى. وسى ۋاقىتتا جول اپاتى بويىنشا سوتقا دەيىنگى تەرگەۋ ءجۇرىپ جاتىر.