استانادا جۇرگەن گانا رەسپۋبليكاسىنىڭ ازاماتتارى ەلدەن قۋىلدى
20:43, 26 - ءساۋىر 2024
استانا قالاسىنىڭ پوليتسەيلەرى گانا رەسپۋبليكاسىنىڭ ازاماتتارىن ەلدەن دەپورتاتسيالادى، - دەپ حابارلايدى Polisia.kz سايتى.
بايقوڭىر اۋداندىق پ ب كوشى-قون قىزمەتى ءبولىمى قىزمەتكەرلەرى كوشى-قون زاڭناماسىن بۇزعانى ءۇشىن، ياعني ۆيزادا كورسەتىلگەن ەلدە بولۋ مەرزىمى نەمەسە كوشى-قون كارتوچكاسىندا تىركەلۋ مەرزىمى وتكەننەن كەيىن ءۇش تاۋلىك ىشىندە ەلدەن شىقپاعانى ءۇشىن، گانا رەسپۋبليكاسىنىڭ ءتورت ازاماتىن دەپورتاتسيالادى.
كوشى-قون تۇراقتىلىعىن ساقتاۋ، كوشى-قون پروتسەستەرىنىڭ كريمينوگەندىك جاعدايعا قولايسىز اسەر ەتۋىنىڭ ىقتيمالدىعىن ازايتۋ ماقساتىندا ەلوردالىق پوليتسيا قىزمەتكەرلەرى تۇراقتى نەگىزدە رەيدتىك ءىس-شارالار وتكىزەدى. پوليتسەيلەر شەتەلدىكتەردىڭ ەلوردادا بولۋىن، ولاردىڭ زاڭناما تالاپتارىن ساقتاۋىن جانە ەلدەن ۋاقتىلى كەتۋىن باقىلايدى.