استانادا جازعى ساۋىقتىرۋ ماۋسىمى اشىلادى
استانا. KAZINFORM - استاناداعى بوتانيكالىق ساياباقتا جازعى ساۋىقتىرۋ ماۋسىمى رەسمي تۇردە اشىلىپ، زەينەتكەرلەر يوگا مەن ايكۇنەدەن تاڭعى جاتتىعۋدى وتكىزەدى.
ەلوردا اكىمدىگىنىڭ مالىمەتىنشە قالاداعى دەمالۋ ساياباقتارىندا زەينەتكەرلەر ساۋىقتىرۋ جاتتىعۋلارىن وتكىزۋدى تۇڭعىش رەت قولعا الىپ وتىر. اتاپ ايتقاندا، بەلسەندى ۇزاق ءومىر ءسۇرۋ ورتالىعىنىڭ سپورت نۇسقاۋشىلارى مەن ەرىكتى زەينەتكەرلەرى تاڭعى ۋاقىتتا ساعات 8.00-11.30 ارالىعىندا وڭالتۋ گيمناستيكاسى، «سيگۋن» تىنىس الۋ گيمناستيكاسى، سكانديناۆيالىق سەرۋەندەۋ، ايكۇنە مەن يوگادان ساۋىقتىرۋ ساباقتارىن وتكىزەتىن بولادى.
- قالا تۇرعىندارىنىڭ دەنساۋلىعىن نىعايتۋ جانە سپورتتىق بەلسەندىلىكتى ارتتىرۋ ماقساتىندا ساۋىقتىرۋ جاتتىعۋلارى «جەتىسۋ»، «جەرۇيىق»، بوتانيكالىق ساياباعىندا، ورتالىق جانە پرەزيدەنت ساياباعىندا، نۇرجول گۇلزارى مەن مۇعالىمدەر الاڭىندا قىركۇيەك ايىنا دەيىن كەستەگە سايكەس جالعاساتىن بولادى، - دەلىنگەن حابارلامادا.
جاتتىعۋعا قاتىسۋ تەگىن. ءىس- شارا 21 -مامىر كۇنى ساعات 10.00 دە باستالادى.
سونىمەن قاتار، وسى كۇنى ساعات 17.00 دە «جەتىسۋ» ساياباعىندا ارداگەرلەردى الەۋمەتتەندىرۋ، ساۋىقتىرۋ جانە زەينەتكەرلەردىڭ بوس ۋاقىتىن ءتيىمدى وتكىزۋ ماقساتىندا رەترو اندەردەن بي كەشىنىڭ اشىلۋى وتەدى.
بەلسەندى ۇزاق ءومىر ءسۇرۋ ورتالىعى قالا زەينەتكەرلەرى ءۇشىن جازعى ماۋسىمدا جەتىسۋ ساياباعىندا ءار سارسەنبى سايىن ساعات 17:00- 19:00 ارالىعىندا «زەينەتكەرلەر ديسكوتەكاسى» وتەدى.