استانادا جانە الماتىدا اۋا رايى كۇرت قۇبىلادى

استانا. KAZINFORM - قازگيدرومەت مالىمەتىنشە، 23-25-شىلدە ارالىعىندا استانا مەن الماتىدا اۋا رايى قۇبىلمالى بولادى.

استاناداعى اۋا رايى:

23-شىلدە: بۇل كۇنى ەلوردادا اۋا رايى قۇبىلمالى، ءبىراق جاۋىن-شاشىنسىز بولادى. جەل وڭتۇستىك-شىعىستان جانە شىعىستان سوعادى: تۇندە جىلدامدىعى 2-7 م/س، كۇندىز 9-14 م/س. اۋا تەمپەراتۋراسى تۇندە 14-16 گرادۋس، كۇندىز 29-31 گرادۋسقا دەيىن كوتەرىلەدى.

24-شىلدە: بۇل كۇنى دە اۋا رايى قۇبىلمالى بولادى. كۇندىز وتكىنشى جاڭبىر مەن نايزاعاي كۇتىلەدى. جەل سولتۇستىك-شىعىستان وڭتۇستىك- شىعىسقا اۋىسادى: تۇندە 3-8 م/س، كۇندىز 9-14 م/س. تۇنگى تەمپەراتۋرا 18-20 گرادۋس، كۇندىز 26-28 گرادۋس.

25-شىلدە: قۇبىلمالى بۇلتتىلىق ساقتالادى. كۇندىز وتكىنشى جاڭبىر مەن نايزاعاي بولۋى مۇمكىن. جەل وڭتۇستىك-شىعىستان: تۇندە 3-8 م/س، كۇندىز 9-14 م/س. اۋا تەمپەراتۋراسى تۇندە 15-17 گرادۋس، كۇندىز 30-32 گرادۋس.

الماتىداعى اۋا رايى:

23-شىلدە: قالادا اۋا رايى قۇبىلمالى، جاۋىن-شاشىنسىز. جەل سولتۇستىك-شىعىستان 3-8 م/س.

24-شىلدە: قۇبىلمالى بۇلتتىلىق، وتكىنشى جاڭبىر مەن نايزاعاي كۇتىلەدى. جەل سولتۇستىك- شىعىستان 3-8 م/س، كۇندىز ەكپىنى 13 م/س دەيىن جەتەدى.

25-شىلدە: قايتادان جاۋىن-شاشىنسىز. بۇلتتى ءارى ىستىق كۇن كۇتىلەدى.

شىلدەدەگى اۋا رايى قانداي بولادى؟

بۇعان دەيىن سينوپتيكتەر 2025-جىلدىڭ شىلدەسىنە ارنالعان كونسۋلتاتيۆتىك بولجامىن ۇسىنعان. وعان سايكەس، شىلدە ايىندا ەلىمىزدىڭ باسىم بولىگىندە اۋا رايى تۇراقسىز بولادى. كوپتەگەن وڭىرلەردە وتكىنشى جاڭبىر، كەي جەرلەردە نوسەر، نايزاعاي، بۇرشاق پەن قاتتى جەل بولۋى ىقتيمال.