استانادا جاپپاي توبەلەسكەندەرگە قاتىستى قىلمىستىق ءىس قوزعالدى
18:38, 16 - شىلدە 2024
استانا. KAZINFORM - ەلوردادا جاپپاي توبەلەسكەن جاستاردىڭ ۆيدەوسى تارادى. Instagram جەلىسىندە تاراعان ۆيدەودان ءبىر توپ جاستىڭ توبەلەسىپ جاتقانىن بايقاۋعا بولادى، ولاردىڭ اراسىندا قىزدار دا بار.
جازبا اۆتورىنىڭ ايتۋىنشا، جاپپاي توبەلەس 25-ماۋسىمدا بولعان جانە جانجال ەكى بويجەتكەننىڭ اراسىندا تۋىنداعان.
بولعان وقيعاعا قاتىستى استانا قالاسىنىڭ پوليتسيا دەپارتامەنتىنەن تۇسىنىكتەمە بەرۋدى سۇراعان ەدىك.
«دەنساۋلىققا قاساقانا زيان كەلتىرۋ فاكتىسى بويىنشا قىلمىستىق ءىس قوزعالدى. قاتىسى بار ادامداردى انىقتاۋ جانە جاۋاپكەرشىلىككە تارتۋ بويىنشا كەشەندى جەدەل-ىزدەستىرۋ ءىس-شاراسى وتكىزىلىپ جاتىر»، - دەگەن جاۋاپ الدىق.
اۆتور
داۋلەت ىزتىلەۋ