استانادا جاڭاجىلدىق وتشاشۋدى قاي جەردەن تاماشالاۋعا بولادى

  استانادا جاڭا جىلعا ارنالعان مەرەكەلىك وتشاشۋ دەمەۋشىلەر قارجىسى ەسەبىنەن ۇيىمداستىرىلادى، دەپ حابارلايدى Kazinform.

ساعات 00:00 دە وتشاشۋعا دەيىن قازاقستاننىڭ ءانۇرانى شىرقالادى.

كەيىن بوتانيكالىق باق پەن «اتىراۋ» كوپىرىنىڭ اۋماعىنان ءار ورىننان شامامەن 1 مىڭ وتشاشۋ اتىلادى دەپ جوسپارلانعان.

سونىمەن قاتار 31-جەلتوقساننان 1-قاڭتارعا قاراعان ءتۇنى قالاداعى ءۇش جەردە مەرەكەلىك ءىس-شارالار وتەدى.

31-جەلتوقساندا ساعات 21:00 دەن 02.00 گە دەيىن ورتالىق الاڭدا، «قازاق ەلى» مونۋمەنتى اۋماعىندا جانە ەكسپو الاڭىندا ەلوردا تۇرعىندارى مەن قوناقتارى ءۇشىن قازاقستاندىق ەسترادا جۇلدىزدارىنىڭ قاتىسۋىمەن «جاڭا جىل ءتۇنى» مەرەكەلىك كونسەرتى وتەدى.

سونداي- اق، تۇرعىن ءۇي الاپتارىندا دا جاڭاجىلعا ارنالعان مەرەكەلىك باعدارلامالار ۇيىمداستىرىلادى.