استانادا جاڭاجىلدىق وتشاشۋ بولا ما

استانا. KAZINFORM - ەلوردا تۇرعىندارى مەن قوناقتارى ءۇشىن جاڭا جىل تۇنىندە وتشاشۋ بولادى. بۇل تۋرالى قالا اكىمى جەڭىس قاسىمبەك ءمالىم ەتتى.

- 31-جەلتوقساندا وتشاشۋ جوسپارلانعان. كەشە عانا قالاداعى 30 دان استام قوعامدىق كەڭىستىكتە شىرشالاردىڭ شامى جاعىلدى. قالا جاڭا جىل مەرەكەسىن وتكىزۋگە دايىن. وتشاشۋ بولادى، - دەدى جەڭىس قاسىمبەك ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ايتا كەتسەك، 18-جەلتوقساندا استانادا 30 دان استام جاڭا جىلدىق شىرشانىڭ شامى جاعىلدى.

«استانا ارەنا» ستاديونىنىڭ اۋماعىندا قالانىڭ باستى جاڭاجىلدىق شىرشاسىن جاعۋعا ارنالعان سالتاناتتى ءىس-شاراعا مىڭنان استام ادام جينالدى.

ەسكە سالا كەتەيىك، 16-جەلتوقسان قازاقستان رەسپۋبليكاسى تاۋەلسىزدىگىنىڭ 33 جىلدىعىنا وراي ەلوردادا مەرەكەلىك وتشاشۋ بولمادى.

بۇعان دەيىن جەڭىس قاسىمبەك ەلوردادا كەپتەلىس پروبلەماسى قالاي شەشىلىپ جاتقانىن ايتتى.