استانادا جاڭا مۋرال پايدا بولدى

استانا. KAZINFORM - ەلوردادا «شاڭىراق» اتتى جاڭا مۋرال پايدا بولدى. سارىارقا اۋدانى قارتالى كوشەسى 5/1 مەكەنجايىندا «شاڭىراق» اتتى جاڭا مۋرال پايدا بولدى. قازاق وتباسى ۇلتتىق كيىممەن ورنەكتەلگەن بۇل مۋرالدا سالت-ءداستۇر مەن ۇرپاقتار ساباقتاستىعى، بىرلىگى بەينەلەنگەن، دەپ جازادى اكىمدىكتىڭ رەسمي سايتى.

مۋرالدىڭ ورتالىق ەلەمەنتى - شاڭىراق، ياعني قازاق ءۇيدىڭ جوعارعى بولىگى، تەكتىلىك، قاراشاڭىراق (ءۇي) بەينەلەنگەن. شاڭىراق قازاق مادەنيەتى مەن وتباسىلىق قۇندىلىقتاردىڭ نەگىزىن بىلدىرەدى. بەينەنىڭ جوعارعى تۇسىنداعى شاڭىراقتىڭ سۋرەتى وتباسىلىق تىعىز بايلانىستى، ۇيلەسىمدىلىك پەن اتا- بابالارعا دەگەن قۇرمەتتىڭ ماڭىزدىلىعىن ەسكە سالادى.