استانادا حانشاتىر مەن كەرۋەن ساۋدا ۇيلەرىنىڭ ماڭىندا ءجيى قىلمىس جاسالادى

استانا. قازاقپارات - Maqsut Narikbayev University جانىنداعى MIND تالداۋ ورتالىعى جۇرگىزگەن زەرتتەۋ اياسىندا استانا جانە الماتى قالالارىنداعى قىلمىستاردىڭ جارتىسىنان كوبى وتە شەكتەۋلى ايماقتاردا ورىن الاتىنى انىقتالدى.

اتاپ ايتقاندا استانادا قىلمىستاردىڭ 50 پايىزدان استامى قالا اۋماعىندا، ال الماتىدا بۇل كورسەتكىش 5 پايىزى تەرريتوريادا بولاتىنى دالەلدەندى.

ادەتتە ادامدار استاناداعى ەڭ قاۋىپتى ورىندار - سارىارقا اۋدانى نەمەسە «لەسوزاۆود»، «كيرپيچنىي» سياقتى اۋداندار مەن «ارتەم»، «الەم» بازارلارىنىڭ ايماعى دەپ سانايدى.

ونىمەن قوسا، قوعامدا ۆوكزال اۋدانى قاۋىپتى دەگەن وي قالىپتاسقان. الايدا، ساراپشىلار دايىنداعان زەرتتەۋلەر مەن ستاتيستيكا مۇلدەم باسقا مالەمەتتەردى كورسەتتى. استانادا قىلمىستار ل. ن. گۋميليەۆ ە ۇ ۋ كامپۋسىنىڭ اۋدانىنان باستاپ ابىلاي حان داڭعىلىنىڭ بويىنا دەيىن، سونداي-اق «حان شاتىر» جانە «كەرۋەن» س و و اۋماقتارىندا ءجيى ورىن الادى ەكەن.

ال الماتى قالاسىندا قىلمىستاردىڭ ءجيى ورىن الاتىن نەگىزگى نۇكتەلەرى - ادامدار كوپ جينالاتىن ورىندار - ياعني، ۆوكزالدار، ماماندىرىلعان ح ق ك و، بازارلار؛ دەمالىسقا ارنالعان ورىندار، تىعىز ورنالاسقان تۇرعىن ءۇي اۋداندارى، تاعى سول سياقتى.

بۇل رەتتە اناليتيكتەر قالانىڭ تاۋ بوكتەرىندەگى اۋداندارىندا حالىقتىڭ تىعىزدىعى تومەن جانە الەۋمەتتىك-ەكونوميكالىق مارتەبەسى جوعارى بولعاندىقتان قىلمىستار سيرەك جاسالادى دەگەن بولجامعا كەلەدى.

ءبىراق مەدەۋ كەشەنى ايماعىندا قىلمىستىڭ ءبىرشاما ءوسۋى بايقالادى.

ايتا كەتۋ كەرەك، استانادا زورلىق-زومبىلىق قىلمىستارى نەگىزىنەن قوعامدىق ورىنداردا، ج و و مەن مەديتسينالىق مەكەمەلەردى قوسا ەسەپتەگەن كەزدە ورىن الادى (37,7 پايىز). كەيىنگى كەزەكتە كوپ پاتەرلى ۇيلەر (16,9 پايىز) جانە جەكە تۇرعىن ءۇي سەكتورلارىندا (8,5 پايىز).

الماتى قالاسىندا زورلىق-زومبىلىق قىلمىستارىنىڭ جارتىسى كوشەلەردە (50,1 پايىز)، جەكە تۇرعىن ءۇي كەشەندەرىندە (13,5 پايىز)، كوپقاباتتى ۇيلەردە (5,7 پايىز) جاسالادى.