استانادا حالىقارالىق ىزدەۋدە جۇرگەن الاياق ۇستالدى

استانا. KAZINFORM – استانادا جەدەل-ىزدەستىرۋ ءىس-شارالارىنىڭ ناتيجەسىندە الاياقتىق جاسادى دەپ ايىپتالعان 36 جاستاعى ەر ادام قولعا ءتۇستى، - دەپ حابارلايدى polisia.kz.

بەلگىلى بولعانداي، ول 2022-جىلعى قىركۇيەكتە تاشكەنتتە جەرگىلىكتى تۇرعىندى Chevrolet Lacetti اۆتوكولىگىن الىپ بەرەمىن دەپ الداپ، 12 مىڭ ا ق ش دوللارىن العان. الاياق ءوز قاجەتىنە جۇمساپ جىبەرگەن اقشانى قايتارماي، قىلمىستىق جاۋاپكەرشىلىكتەن قاشىپ، قازاقستان اۋماعىندا بوي تاسالاعان.

2023-جىلعى مامىردا تاشكەنت ىشكى ىستەر دەپارتامەنتى كۇدىكتىنى حالىقارالىق ىزدەۋگە جاريالاپ، سوت بۇلتارتپاۋ شاراسى رەتىندە ونى قاماۋعا الۋ تۋرالى شەشىم شىعارعان.

قازىرگى ۋاقىتتا ۇستالعان ازامات ۋاقىتشا ۇستاۋ يزولياتورىنا قامالدى، ونى وزبەكستان رەسپۋبليكاسىنا ەكستراديتسيالاۋ ماسەلەسى قاراستىرىلىپ جاتىر.