استانادا شەكاراشىلار قالاشىعى اشىلدى
استانا. KAZINFORM - ەلوردا ىرگەسىندەگى ميچۋرينو تۇرعىن ءۇي الابىندا «Batyrlar» اسكەري-پاتريوتتىق ورتالىعى جۇمىس ىستەيدى. بۇگىن ورتالىق جانىنان شەكارا قىزمەتىنە قىزىعۋشىلىق تانىتقان جاسوسپىرىمدەر ءۇشىن شاعىن قالاشىق اشىلدى.
«2023 -جىلى قاڭتار بىرنەشە زاپاستاعى وفيتسەرلەر، گەنەرالدار ءبىزدىڭ قوعامدى اشتىق. قالالىق اكىمدىك ميچۋرينوداعى بۇرىنعى مەكتەپ عيماراتىن بىزگە 10 جىلعا بەردى. مەن قارۋلى كۇشتەرگە، شەكاراشىلارعا، ۇلتتىق ۇلانعا حات جازىپ، وسى عيماراتتى اسكەري دايىندىق وتكىزۋگە پايدالانۋعا بەرەتىنىمىزدى ايتتىق. بولاشاقتا وسى ورتالىقتا كادرلار دايارلاۋ ءۇشىن. بۇگىن ورتالىق اۋماعىندا شەكاراشىلار قالاشىعىن اشىلىپ جاتىر»، - دەدى اسكەري پاتريوتتىق جانە ىزدەستىرۋ قوزعالىسى رەسپۋبليكالىق قوعامىنىڭ ءتوراعاسى امانجول ورازبايەۆ.
شاعىن قالاشىق شەكارا قىزمەتى قۇرالدارىمەن جابدىقتالعان. ورتالىققا بالالاردى 7 -سىنىپتان باستاپ قابىلدايدى جانە وقۋ-جاتتىعۋ تەگىن.
«باسقا قارۋلى كۇشتەرگە، توتەنشە جاعدايلار، ۇلتتىق ۇلان ساربازدارىنا ەسىگىمىز اشىق، ورىن بارىنە جەتەدى. بالالار ورتالىققا اپتاسىنا ءۇش رەت كەلىپ، اسكەري شىنىعۋ جاتتىعۋلارىن وتكىزەدى. تاعى ءبىر ايتا كەتەتىن جايت، بۇل جەرگە وقۋشىلار مەكتەپتەن تىس ۋاقىتىندا كەلەدى. ءبىزدىڭ اسكەري وقىتۋشىلارىمىز بار. سونىمەن قاتار بىلتىر «ارىستان» مامانداندىرىلعان ورتالىعىمەن مەموراندۋمعا قول قويدىق، اي سايىن ارىستاننىڭ جىگىتتەرى بالالارعا تاكتيكالىق جانە پراكتيكالىق جاتتىعۋ وتكىزەدى»، - دەيدى ول.
سونداي-اق، سالتاناتتى ءىس-شارا بارىسىندا وقۋشىلار وقۋ-جاتتىعۋ تۇرىندەگى قويىلىم كورسەتتى. سونىمەن قاتار اسكەري-پاتريوتتىق ورتالىقتىڭ تەحنيكالىق-ماتەريالدىق بازاسى تانىستىرىلدى.
اۆتور
داۋلەت ىزتىلەۋ