استانادا ءبىر عانا ورىس مەكتەبى قالدى

استانا. قازاقپارات- استانادا قانشا قازاق مەكتەبى بار؟ ونىڭ قانشاسى ورىس جانە ارالاس مەكتەپ سانالادى؟ وندا قانشا بالا وقيدى؟ ءۇش اۋىسىمدى مەكتەپتەردىڭ ماسەلەسى قالاي شەشىمىن تاۋىپ جاتىر؟ وسى جانە وزگە دە ساۋالدارعا جاۋاپ ىزدەپ كوردىك.

Qaz365.kz ءتىلشىسى قالانىڭ ءبىلىم باسقارماسىنا جولداعان ساۋالىندا وسى سۇراقتارعا جاۋاپ بەرىلدى.

2024-2025 وقۋ جىلى استانادا جالپى ءبىلىم بەرەتىن مەكتەپتەر سانى - 188، ونىڭ ىشىندە 109-ى مەملەكەتتىك، 72- ءسى جەكە مەنشىك، 7- ءى رەسپۋبليكالىق مەكتەپ. قالادا 35 قازاق مەكتەبى بار. وندا 71702 بالا قازاق تىلىندە ءبىلىم الادى. 1 عانا ورىس مەكتەبى قالعان. وندا 293 بالا وقىپ جاتىر. ارالاس مەكتەپ سانى - 69. وندا 161124 بالا وقيدى.

قازاق ءتىلدى مەكتەپكە سۇرانىس جوعارى

ءبىلىم باسقارماسىنىڭ مالىمەتىنشە، كەز كەلگەن اتا-انانىڭ بالانى مەكتەپكە بەرەردە وقىتۋ ءتىلىن تاڭداۋعا قۇقىعى بار. دەگەنمەن، قازاق تىلدە وقيتىن بالالار سانى ارتۋدا.

بىلتىرعى ستاتيستيكامەن سالىستىراتىن بولساق، 2023-2024 وقۋ جىلىندا 35 قازاق مەكتەبىندە 68917 بالا بولسا، بيىل 71702 بالاعا وسكەن. سونداي-اق، وتكەن وقۋ جىلىندا 3039 بالا وقيتىن 3 ورىس مەكتەبى بولعان. ال بيىل 1 ورىس مەكتەبى قالعان. وندا 293 وقۋشى ءبىلىم الۋدا. الايدا ارالاس مەكتەپتە وقيتىن بالالاردىڭ سانى ارتقان. ياعني، 69 ارالاس مەكتەپتە بىلتىر 140810 بالا وقىسا، بيىلعى وقۋ جىلى وندا 161124 بالا بولعان.

ءۇش اۋىسىمدى مەكتەپ ماسەلەسى

ءۇش اۋىسىمدى مەكتەپتەردى جويۋ - ءبىلىم سالاسىنداعى ەڭ وزەكتى ماسەلەردىڭ ءبىرى. سونىمەن، قالاداعى مەكتەپتەردىڭ نەشەۋى ءۇش اۋىسىمدى جانە ولاردىڭ ماسەلەسى قالاي شەشىلىپ جاتىر دەگەن سۇراققا دا جاۋاپ كەلگەن. مەملەكەتتىك ستاندارت بويىنشا سىنىپتاعى وقۋشىلار سانى قانشا بولۋى كەرەك جانە ولار ساقتالعان با دەگەن سياقتى سۇراقتارعا دا جاۋاپ الدىق.

باسقارما بەرگەن مالىمەتكە سايكەس، 2024-2025 وقۋ جىلىندا قالادا بەس ءۇش اۋىسىمدى جانە ون ءتورت بالا سانى شامادان تىس مەكتەپ جۇمىس ىستەيدى. 2024 -جىلى 34390 ورىندىق جيىرما ءتورت مەكتەپتى (ءبىر اۋىسىمدا) پايدالانۋعا بەرۋ جوسپارلانعان. قازىرگى تاڭدا 18990 ورىندىق ون بەس مەكتەپ (ءبىر اۋىسىمدا) پايدالانۋعا بەرىلىپ وتىر. ولار: ەكى ب ي پ، توعىز جايلى مەكتەپ، ءتورت جەكەمەنشىك مەكتەپ).

«بيىل جىل سوڭىنا دەيىن 15400 ورىندىق سەگىز جايلى مەكتەپ جانە ءبىر جەكەمەنشىك مەكتەپ (ءبىر اۋىسىمدا) پايدالانۋعا بەرىلەدى. وسىلايشا، اعىمداعى جىلدىڭ سوڭىنا دەيىن ءتورت ءۇش اۋىسىمدى (№ 69,71,79,83)، ءۇش تىعىزدالعان مەكتەپ (№ 63,78, 86) ماسەلەلەرى شەشىلەتىن بولادى. قالعان ءبىر ءۇش اۋىسىمدى (№37) جانە ون ءبىر تىعىزدالعان مەكتەپ ماسەلەسى (№1,2,3,60,62,64,72,74,75,87,89) 2025 -جىلى شەشىلەدى. 2025 -جىلى 26241 ورىندىق 23 مەكتەپ (ءبىر اۋىسىمدا) (ون ب ي پ، جەتى جايلى مەكتەپ، التى جەكەمەنشىك مەكتەپ) پايدالانۋعا بەرىلەدى» - دەيدى باسقارما.

«ءبىلىم بەرۋ وبەكتىلەرىنە قويىلاتىن سانيتاريالىق- ەپيدەميولوگيالىق تالاپتار» سانيتاريالىق قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2021 -جىلعى 5 -تامىزداعى № ق ر د س م -76 بۇيرىعىنا سايكەس جالپى ءبىلىم بەرۋ ۇيىمدارىنىڭ سىنىپتارى 25 بالادان ارتىق ەمەس بولۋى ءتيىس.

ءبىلىم مەكەمەسىنىڭ دەرەگىنشە، ءۇش اۋىسىمدى بەس مەكتەپتەگى جانە بالا سانى شامادان اسقان ون ءتورت مەكتەپتەگى كەيبىر سىنىپتارىندا بالا سانى 35-كە جەتىپ وتىر. قالعان مەكتەپتەردە 25 بالاعا دەيىن وتىر.