استانادا بەيبىتشىلىك جانە كەلىسىم سارايى مەن «بايتەرەك» مونۋمەنتى جابىلدى

استانا. KAZINFORM - استانادا «بايتەرەك» مونۋمەنتى مەن بەيبىتشىلىك جانە كەلىسىم سارايى جابىلدى. بۇل تۋرالى استانا ءماسليحاتىنىڭ وتىرىسىندا ايتىلدى.

Astana Venue Management ج ش س باس ديرەكتورى مالىك حاسەنوۆتىڭ ايتۋىنشا، نىساندارعا ۋاقىتشا جوندەۋ جۇمىستارى جۇرگىزىلىپ جاتىر.

«ماڭىزدى حالىقارالىق ءىس-شارالارعا دايىندىق ماقساتىندا نىساندار قالىپتى جاعدايدا ۇستالىپ، جوندەۋ-قالپىنا كەلتىرۋ جۇمىستارى جۇيەلى تۇردە جۇرگىزىلىپ جاتىر. قازىرگى ۋاقىتتا 25-ساۋىردەن باستاپ «بەيبىتشىلىك جانە كەلىسىم سارايى» مەن «بايتەرەك» مونۋمەنتىندە جوندەۋ جۇمىستارى جۇرگىزىلىپ جاتىر. شانحاي ىنتىماقتاستىق ۇيىمىنىڭ (ش ى ۇ) سامميتىنە دايىندىق جۇمىستارى جۇيەلى تۇردە جۇرگىزىلىپ جاتىر. پرەزيدەنت اكىمشىلىگىنىڭ ءتىزىمى بويىنشا بۇل نىساندارعا سامميت دەلەگاتسياسىنىڭ مۇشەلەرى كەلۋگە ءتيىس، سوندىقتان ءبىز 1-ماۋسىمعا دەيىن بارلىق جوندەۋ جۇمىسىن اياقتاۋىمىز كەرەك«، - دەدى حاسەنوۆ.

استانادا 3-4-شىلدەدە شانحاي ىنتىماقتاستىق ۇيىمىنىڭ سامميتى وتەدى دەپ جوسپارلانىپ وتىر.