جارمەڭكەنى استانانىڭ جاستار ساياساتى ماسەلەلەرى باسقارماسى، «استانا جاستارى» جاستار رەسۋرستىق ورتالىعى، ەڭبەك موبيلدىلىگى ورتالىعى جانە سارىارقا اۋدانىنىڭ اكىمدىگى بىرلەسە ۇيىمداستىرادى.
جۇمىس ىزدەۋشىلەرگە ارنالعان ءىس-شارا 6-اقپاندا ساعات 11:00 دە «تۇران استانا» ۋنيۆەرسيتەتىندە وتەدى.
جارمەڭكەنىڭ نەگىزگى ماقساتى - جۇمىسسىز ازاماتتار، ءبىلىم بەرۋ ۇيىمدارىنىڭ تۇلەكتەرى جانە جاستاردىڭ جۇمىسقا ورنالاسۋىنا قولداۋ كورسەتۋ، ياعني جۇمىس بەرۋشى مەن ۇمىتكەر اراسىنداعى تىكەلەي بايلانىس ارقىلى كومەك كورسەتۋ.
اتالعان ءىس-شارا بارىسىندا جۇمىس بەرۋشىلەر كومپانيالارىن تانىستىرادى، بوس جۇمىس ورىندارىن ۇسىنادى جانە وزدەرىنە ەڭ قولايلى كانديداتتاردىڭ بازاسىن قالىپتاستىرادى. ال ۇمىتكەرلەر HR- مەنەدجەرلەرمەن سويلەسىپ، سۇحباتتاسۋدان ءوتىپ، قىزىقتىرعان سۇراقتارىن قويا الادى.
بۇعان دەيىن ەلوردادا ۇلتتىق ۇلاننىڭ باستاماسىمەن «Cyber sarbaz» سىنىبى اشىلعانىن جازعان ەدىك.