استانادا بولات نازاربايەۆتىڭ قازاسىنا بايلانىستى اس بەرىلدى

استاناداعى باس مەشىتتە ەكس- پرەزيدەنت نۇرسۇلتان نازاربايەۆتىڭ تۋعان ءىنىسى بولات نازاربايەۆتىڭ قازاسىنا بايلانىستى اس بەرىلدى، دەپ حابارلايدى Kazinform اگەنتتىگى.

استىڭ قايدا جانە قاشان وتەتىنى تۋرالى مالىمەتتى ءبىرقاتار ب ا ق قازاقستان مۇسىلماندارى ءدىني باسقارماسىنا سىلتەمە جاساپ حابارلاعان.

«قاراشانىڭ 18-كۇنى ساعات 13:00-دە رەسپۋبليكالىق باس مەشىتتە تۇڭعىش پرەزيدەنت نۇرسۇلتان نازاربايەۆ ءىنىسى بولات نازاربايەۆ قايتىس بولعاندىعىنا وراي اس بەرەدى. باس ءمۇفتي ناۋرىزباي قاجى تاعان ۇلى قاتىسادى»، - دەلىنگەن ءمۇفتيات تاراتتى دەلىنگەن اقپاراتتا.

Telegram-ارنالاردا تاراعان ۆيدەولاردان اتالعان اسقا نۇرسۇلتان نازاربايەۆتىڭ كەزىندە جوعارى بيلىكتە بولعان، كوپتەن بەرى ەل كوزىنە تۇسپەي جۇرگەن ەكس- شەنەۋنىكتەردىڭ كەلگەنىن كورۋگە بولادى. ولاردىڭ ىشىندە احمەتجان ەسىموۆ، ءومىرزاق شوكەيەۆ، قىرىمبەك كوشەربايەۆ، قايرات قوجامجاروۆ، دانيال احمەتوۆ سياقتى ادامدار بار.

سونداي-اق، زيالى قاۋىم وكىلدەرىنىڭ اراسىنان مىرزاتاي جولداسبەكوۆ پەن بۇركىتباي اياعاننىڭ ب ا ق وكىلدەرىنىڭ ساۋالىنا جاۋاپ بەرگەنىن كورۋگە بولادى.