استانادا بۇرىنعى ديپلومات ساكەن ماماش قاماۋعا الىندى
استانا. KAZINFORM - استانا پوليتسيا دەپارتامەنتى ايەلىن ۇردى دەپ ايىپتالعان بۇرىنعى ديپلومات ساكەن ماماشقا قاتىستى قىلمىستىق ءىس بويىنشا تەرگەۋدىڭ ەگجەي-تەگجەيىن ايتتى
ۆەدومستۆونىڭ باسپا ءسوز قىزمەتى مالىمەتىنشە، بىلتىر قۇقىق قورعاۋ ورگاندارى قازاقستاننىڭ ەلشىلىگىندە قىزمەت اتقارعان بۇرىنعى كەڭەسشىگە قاتىستى جۇبايىنا جۇيەلى تۇردە قول جۇمساۋ دەرەگى بويىنشا قىلمىستىق ءىس قوزعاعان.
«پوليتسيا تاراپىنان جەدەل تەرگەۋ توبى قۇرىلىپ، وقيعانىڭ بارلىق ءمان-جايىن انىقتاۋ ءۇشىن قاجەت ساراپتامالار جۇرگىزىلدى. ايتارلىقتاي دالەلدەر جينالدى»، - دەپ جازىلعان دەپارتامەنت حابارلاماسىندا.
تەرگەۋ ناتيجەسى بويىنشا تەرگەۋ سوتى كۇدىكتىگە «قاماۋعا الۋ» تۇرىندەگى بۇلتارتپاۋ شاراسىن تاڭداعان.
ۆەدومستۆو مالىمەتىنشە، تەرگەۋ مۇددەسىنە بايلانىستى سوتالدى تەرگەۋدىڭ باسقا مالىمەتتەرى جاريالانبايدى.
ايتا كەتەيىك، بۇعان دەيىن «نەمولچي.kz» قورى ب ا ءا- دەگى ەلشىلىكتىڭ كەڭەسشىسى ساكەن ماماش ايەلىن ءجيى ۇرىپ-سوعاتىنى تۋرالى اقپارات جاريالادى. قازاقستاننىڭ سىرتقى ىستەر مينيسترلىگى ديپلومات شۇعىل تۇردە ەلگە شاقىرىلاتىنىن ايتتى. كەيىن كارينا ماماش تا ب ا ءا- دەن قايتارىلاتىنى بەلگىلى بولدى.
2024-جىلعى 28-ماۋسىمدا استانا قالاسىنىڭ اكىمشىلىك قۇقىقبۇزۋشىلىق ىستەر جونىندەگى مامانداندىرىلعان اۋدانارالىق سوتى ساكەن ماماشقا قاتىستى دەنساۋلىققا قاساقانا جەڭىل زيان كەلتىرۋ دەرەگى بويىنشا قىلمىستىق ءىستى قارادى. سوت شەشىمى بويىنشا ول كىنالى دەپ تانىلىپ، 15 تاۋلىككە اكىمشىلىك قاماۋعا الىندى.