استانادا برەندتەلگەن سۋ جاڭا اۆتوبۋستار قاتىنايتىن بولادى

استانا. قازاقپارات - 25-ماۋسىمنان باستاپ استانا كوشەلەرىنە برەندتەلگەن 100 جاڭا اۆتوبۋس شىعادى. ولاردىڭ ءساندى ديزاينى V دۇنيەجۇزىلىك كوشپەندىلەر ويىندارى ءۇشىن ارنايى ازىرلەنگەن.

وندا قازاقستاننىڭ زاماناۋيلىعى مەن مادەنيەتى بەينەلەنگەن. بۇل تۋرالى ەلوردا اكىمدىگىنىڭ رەسمي سايتى جازدى.

اۆتوبۋستاردان ەرەكشە جاڭاشىلدىقتى بايقاۋعا بولادى. زاماناۋي ءارى ەستەتيكالىق جاعىنان بەزەندىرىلگەن اۆتوبۋستاردا جايلىلىقتى قامتاماسىز ەتەتىن كۇشەيتىلگەن جارىقتاندىرۋ جانە اۋا باپتاۋ جۇيەسى بار.

جولاۋشىلاردى اقپاراتتاندىرۋ ءارى كوڭىل كوتەرۋ ءۇشىن يننوۆاتسيالىق مۋلتيمەديالىق جۇيەلەر قاراستىرىلعان.

مامانداردىڭ سوزىنشە، بۇل اۆتوبۋستار كولىك جۇيەسىن بەزەندىرىپ قانا قويماي، سونىمەن قاتار قالانىڭ پروگرەسس پەن تەحنولوگيالىق يننوۆاتسيالارعا دەگەن ۇمتىلىسىن بىلدىرەتىن «ەرەكشەلىك» بولادى.

اۆتور

باقىتگۇل اباي قىزى