استانادا بەلگىسىز بىرەۋلەر LRT ۆاگوندارىنا سۋرەت سالىپ كەتكەن - قىلمىستىق ءىس قوزعالدى
09:42, 25 - ماۋسىم 2025
استانا. KAZINFORM - ەلوردادا LRT ۆاگوندارىنا رۇقساتسىز گراففيتي سالۋ ارەكەتى تىركەلدى. بۇعان قاتىستى City Transportation System كومپانياسى پىكىر ءبىلدىردى.
- ۆاگونداردىڭ جوعارعى جاعىنا زاڭسىز گراففيتي سالىنعانى انىقتالدى، - دەپ حابارلادى كومپانيا وكىلدەرى.
ولار تاراتقان اقپاراتقا قاراعاندا، ماتەريالدار قۇقىق قورعاۋ ورگاندارىنا جولدانىپ، اتالعان فاكتى بويىنشا قىلمىستىق ءىس قوزعالدى.
CTS وكىلدەرى سونىمەن قاتار ۆاگونداردىڭ قورعانىش قابىعى بار ەكەنىن ءمالىم ەتتى. ول ۆاگوننىڭ نەگىزگى بوياۋىن سىرتتان بولاتىن ىقپالدان قورعايدى. قازىر گراففيتيدى ءسۇرتىپ جاتىر.
وسىعان دەيىن LRT- نىڭ العاشقى ۆاگوندارى استاناعا جونەلتىلگەنى تۋرالى جازدىق.