استانا. KAZINFORM - استانا قالاسى ءبىلىم باسقارماسىنىڭ ادىستەمەلىك ورتالىعىمەن بىرلەسىپ اقسەلەۋ سەيدىمبەك اتىنداعى № 54 مەكتەپ-ليتسەيىنىڭ بازاسىندا ء«قاۋىپسىز بالالىق شاق» تاقىرىبىندا سەمينار-كەڭەس ءوتتى. بۇل تۋرالى ەلوردا اكىمدىگىنىڭ رەسمي سايتى جازدى.
ءىس-شاراعا تەحنيكالىق جانە كاسىپتىك، جالپى ورتا ءبىلىم بەرۋ ۇيىمدارىنىڭ باسشىلارى، مەكتەپكە دەيىنگى ءبىلىم بەرۋ ۇيىمدارىنىڭ مەڭگەرۋشىلەرى، جەكە بالاباقشالار قاۋىمداستىعىنىڭ جانە اتا-انالار كوميتەتىنىڭ مۇشەلەرى قاتىستى.
كەڭەس قالا اكىمىنىڭ ورىنباسارى ەسەت بايكەننىڭ توراعالىعىمەن ءوتتى.
قاتىسۋشىلار بالالاردىڭ قاۋىپسىزدىگى، دەنساۋلىعى، ومىرىنە جاۋاپتى ءبىلىم بەرۋ مەكەمەلەرىنىڭ وزەكتى ماسەلەلەرى مەن ماسەلەلەرىن تالقىلادى.
سپيكەرلەر بالالاردىڭ ءومىرىن، دەنساۋلىعىن ساقتاۋ، ءبىلىم بەرۋ مەكەمەلەرىندە قاۋىپسىزدىكتى قامتاماسىز ەتۋ بويىنشا جۇيەلى شارالار قابىلداۋ قاجەتتىگىن اتاپ ءوتتى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан