استانادا ازىق-تۇلىك جارمەڭكەسى كۇن سايىن ءوتىپ ءجۇر

استانا. قازاقپارات – 29-ماۋسىمنان باستاپ استانادا بەيبارىس سۇلتان كوشەسىنىڭ بويىندا كۇن سايىن اۋىل شارۋاشىلىعى جارمەڭكەسى جۇمىس ىستەيدى. بۇل جايىندا ەلوردا اكىمدىگىنەن حابارلاندى.

«ريو- دە- جانەيرو» تۇرعىن ءۇي كەشەنىنە (بەيبارىس سۇلتان كوشەسى، 23) قاراما-قارسى ورنالاسقان جاڭا جارمەڭكە كۇن سايىن ساعات 9:00 دەن 20:00 گە دەيىن جۇمىس ىستەيدى.

جارمەڭكەگە كەلۋشىلەر جەرگىلىكتى تۇرعىنداردان، سونداي- اق تۇركىستان، جامبىل جانە اقمولا وبلىستارىنان كەلگەن تاۋار وندىرۋشىلەردەن كوكونىستەر مەن جەمىستەر، ساپالى ەت، ۇن ونىمدەرىن جانە باسقا دا كوپتەگەن اۋىل شارۋاشىلىعى ونىمدەرىن ساتىپ الا الادى.

تۇرعىندارعا ىڭعايلى بولۋ ءۇشىن جارمەڭكەنىڭ جانىندا № 49, 73 اۆتوبۋس مارشرۋتتارى وتەدى، بۇل ونىڭ وتەتىن ورنىنا ىڭعايلى بولۋىن قامتاماسىز ەتەدى.

ايتا كەتۋ كەرەك، ەلوردادا دەمالىس كۇندەرى دە ارنايى جارمەڭكە جۇمىس ىستەيدى.

ول سارىارقا اۋدانىندا ب. سوقپاقپايەۆ كوشەسى، 21-مەكەنجايىندا ورنالاسقان.

بۇل جارمەڭكە ءار دەمالىس كۇندەرى ساعات 10:00 دەن 19:00 گە دەيىن جۇمىس ىستەيدى.