الدىن الا مالىمەتكە سايكەس، وقيعا ورنىنا جەدەل جاردەم بريگاداسى شاقىرىلعان.
دەنساۋلىق ساقتاۋ باسقارماسىنىڭ حابارلاۋىنشا، مەديتسينا قىزمەتكەرلەرى ەر ادامنىڭ بيولوگيالىق ءولىمىن تىركەگەن.
- جەدەل جاردەم بريگاداسى وقيعا ورنىنا جەتكەن كەزدە ازاماتتىڭ بيولوگيالىق ءولىمى انىقتالدى. قازىرگى ۋاقىتتا بولعان جايتتىڭ ءمان-جايىن انىقتاۋعا باعىتتالعان تەكسەرۋ جۇرگىزىلىپ جاتىر. قاجەتتى ساراپتامالار تاعايىندالدى، - دەپ حابارلادى باسقارمادان.
استانا قالالىق پوليتسيا دەپارتامەنتى مارقۇمنىڭ جەكە باسى انىقتالعانىن مالىمدەدى.
- ايالدامادان تابىلعان ەر ادامنىڭ 66 جاستا ەكەنى بەلگىلى بولدى. قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان تەكسەرۋ جۇرگىزىلىپ جاتىر. قاجەتتى ساراپتامالار تاعايىندالدى، - دەلىنگەن ۆەدومستۆو تاراتقان اقپاراتتا.
پوليتسيا مالىمەتىنشە، اتالعان جاعداي كوكتايعاقپەن بايلانىستى ەمەس.
قازىرگى تاڭدا ۋاكىلەتتى ورگاندار وقيعانىڭ ناقتى سەبەپتەرىن انىقتاپ جاتىر.
اۆتور
كاميلا مۇلىك