استانادا اي-92 بەنزينى مەن ديزەل وتىنى 39 كۇنگە جەتەدى
استانا. KAZINFORM - ەلوردانى جانارمايمەن قامتاماسىز ەتۋ جاعدايى تۇراقتى. بۇل تۋرالى استانا تۇرعىندارىمەن ەسەپ بەرۋ كەزدەسۋىندە ەنەرگەتيكا ۆيتسە-ءمينيسترى باقىتجان ءىلياس اتقارىلعان جۇمىستاردىڭ نەگىزگى ناتيجەلەرى مەن باسىمدىقتارى تۋرالى ايتتى.
ەنەرگەتيكا ۆيتسە-ءمينيسترى باقىتجان ءىلياس ەلوردا تۇرعىندارىمەن ەسەپتىك كەزدەسۋ وتكىزىپ، ەنەرگەتيكا، گازداندىرۋ جانە جانار-جاعارمايمەن قامتاماسىز ەتۋ سالالارىنداعى نەگىزگى ناتيجەلەر مەن باسىمدىقتاردى تانىستىردى.
ءوز سوزىندە ۆيتسە-مينيستر مينيسترلىكتىڭ باستى كۇش-جىگەرى مۇناي-گاز جانە ەنەرگەتيكا كەشەنىن دامىتۋعا، تۇراقتى جىلۋ جانە ەلەكترمەن جابدىقتاۋدى قامتاماسىز ەتۋگە، سونداي-اق گازداندىرۋ مەن حالىقتى مۇناي ونىمدەرى جانە سۇيىتىلعان مۇناي گازىمەن قامتاماسىز ەتۋ جوبالارىن ىسكە اسىرۋعا باعىتتالعانىن اتاپ ءوتتى.
- قالادا جانار-جاعارماي قورى جەتكىلىكتى. اي-92 بەنزينى - 39 كۇنگە، ديزەل وتىنى - 39 كۇنگە جەتەدى، - دەلىنگەن مينيسترلىك حابارلاماسىندا.
مينيسترلىك اكىمدىك پەن مونوپولياعا قارسى ورگاندارمەن بىرلەسە وتىرىپ، باعا مەن لوگيستيكا بويىنشا تۇراقتى مونيتورينگ جۇرگىزەدى. ىشكى نارىقتى تۇراقتاندىرۋ ماقساتىندا كەيبىر مۇناي ونىمدەرىن سىرتقا شىعارۋعا تىيىم سالىنعان.
استانادا سۇيىتىلعان گازدىڭ بولشەك ساۋداداعى باعاسى - ليترىنە 102 تەڭگە. قالادا 6 گاز تولتىرۋ ستانتسياسى جانە 73 اۆتوموبيلگە ارنالعان گاز قۇيۋ بەكەتى جۇمىس ىستەيدى.
ايتا كەتەلىك قازاقستاندا بەنزين مەن ديزەلگە اكتسيزدىڭ جاڭا مولشەرلەمەسى بەكىتىلدى.