استانادا اۆتوبۋس باعاناعا سوعىلىپ، جولاۋشىلار جاراقات الدى

استانا. KAZINFORM - ەلوردادا قوعامدىق كولىك باعاناعا سوعىلىپ، بىرنەشە ادام جاراقات الدى. زارداپ شەككەندەر اۋرۋحاناعا جەتكىزىلدى.

- № 70 اۆتوبۋستىڭ باعانامەن سوعۋى سالدارىنان 15 ادام زارداپ شەكتى، ونىڭ ىشىندە جۇرگىزۋشى دە بار. جۇرگىزۋشى اۆتوبۋستا قىسىلىپ قالعان جانە وزدىگىنەن شىعا الماعان، ونى قۇتقارۋشىلار گيدراۆليكالىق قۇرالدىڭ كومەگىمەن قۇتقاردى. اپات بولعان جەرگە جەدەل جاردەم بريگاداسى باردى. زارداپ شەككەن جاندار № 1 كوپسالالى قالالىق اۋرۋحاناعا جەتكىزىلدى، - دەپ حابارلايدى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى.

قازىر پاتسيەنتتەردىڭ جاعدايىن دارىگەرلەر تەكسەرىپ جاتىر.

- زارداپ شەككەندەردىڭ اراسىندا بالالار مەن جۇكتى ايەلدەر جوق، - دەيدى دەنساۋلىق ساقتاۋ باسقارماسىنان.

بۇعان دەيىن استانادا اۆتوبۋس باعاناعا سوعىلىپ، جولاۋشىلار جاراقات العانى تۋرالى حابارلاعان بولاتىنبىز. اۆتوبۋستىڭ جۇرگىزۋشىسى كولىكتى باسقارا الماي جول جيەگىندە تۇرعان باعاناعا سوعىلعان. وقيعا بولعان كەزدە اۆتوبۋستا 25-كە جۋىق جولاۋشى بولعان.