استانادا اليمەنت تولەمەي جۇرگەندەردىڭ جاسىرىن تابىسى بار بولىپ شىقتى
استانادا اليمەنت تولەمەي جۇرگەندەردىڭ جاسىرىن تابىسى بار بولىپ شىقتى، - دەپ حابارلايدى استانا پروكۋراتۋراسى.
استانا پروكۋراتۋراسى ەلەكتروندىق ءامياندارىندا اينالىمى 300 ميلليون تەڭگەدەن اساتىن اليمەنت تولەۋدەن جالتارعان 170 بورىشكەرلەردى انىقتاعان.
وسىلايشا، ءبىر عانا بورىشكەر اليمەنت بويىنشا 3,5 ميلليون تەڭگە قارىزى بولا تۇرا، ءوز ءاميانىن 6 ميلليون تەڭگەگە تولتىرعان.
اليمەنت ءوندىرۋدىڭ وسى جانە باسقا دا تۇيتكىلدى ماسەلەلەرى قالا پروكۋراتۋراسىنىڭ الاڭىندا ۋاكىلەتتى ورگاندار مەن جەكە سوت ورىنداۋشىلاردىڭ وڭىرلىك پالاتاسىنىڭ قاتىسۋىمەن وتكەن القا ماجىلىسىندە تالقىلاندى.
قاداعالاۋ اكتىسى بويىنشا ۋاكىلەتتى ورگان جاسىرىن كىرىستەردى بالالاردىڭ پايداسىنا ءوندىرۋ بويىنشا شارالار قابىلداپ جاتىر.
بۇگىنگى تاڭدا بورىشكەرلەر 20 ميلليون تەڭگە قارىزىن وتەپ ۇلگەردى. بۇل باعىتتاعى جۇمىستار جالعاسىپ جاتىر.