استانادا ابايدىڭ ۇلكەن سيفرلىق پورترەتى پايدا بولدى
استانا. KAZINFORM - ەلوردانىڭ سول جاعالاۋىندا قازاقتىڭ ۇلى اقىنى اباي قۇنانباي ۇلىنىڭ سيفرلىق بەينەسى جۇرت نازارىنا ۇسىنىلدى.
65 مەترلىك پورترەت 53 مىڭ پيكسەلدەن استام جاڭا LED جارىقتاندىرۋمەن جابدىقتالعان. سۋرەتتىڭ ويۋ-ورنەكتەرى مەن كوك تۋ ۇشتاسىپ جاتىر.
ايتا كەتەيىك، قالا تۇرعىندارى بۇل جەردى شىعارماشىلىق بەينەلەر جاساۋ ءۇشىن بەلسەندى پايدالانىپ جاتىر. اتاپ ايتساق، ە. راحماديەۆ اتىنداعى مەملەكەتتىك اكادەميالىق فيلارمونيانىڭ ءارتىسى، استانا تۇرعىنى كۇلجانوۆا ۇلجان سكريپكادا «كوزىمنىڭ قاراسى» تۋىندىسىن ورىندادى.
پورترەت پەن انيماتسيا 16-تامىزعا دەيىن كورسەتىلىپ تۇرادى.
وسىعان دەيىن ق ر مادەنيەت جانە اقپارات مينيسترلىگى 10-تامىزدا قازاقستاندا اباي كۇنى اتاپ وتىلەتىنىن حابارلادى. ۇلى اقىننىڭ 175 -جىلدىعىنا وراي ونىڭ شىعارماشىلىعىنا ارنالعان 500 دەن استام ءىس-شارا وتەدى.