استانادا 8 قۇرىلىس كومپانياسى ليتسەنزياسىنان ايىرىلدى
استانا. KAZINFORM - 2023 -جىلى جۇرگىزىلگەن جوسپاردان تىس تەكسەرۋ اياسىندا استانا قالاسىنىڭ قالالىق ورتا ساپاسى جانە باقىلاۋ باسقارماسى 288 بۇزۋشىلىقتى انىقتاپ، كەمشىلىكتەردى جويۋعا 247 نۇسقاما بەردى.
ساپاسىز قۇرىلىس سالعانى جانە قۇرىلىس- مونتاجداۋ جۇمىسىن جۇرگىزگەنى ءۇشىن - 46 ۇيىم، ال تيىسىنشە باقىلاماعانى ءۇشىن - 7 تەحنيكالىق قاداعالاۋ ۇيىمى جانە 6 اي مەرزىممەن اتتەستاتتى توقتاتۋ نەمەسە ايىرۋمەن 22 تەحنيكالىق قاداعالاۋ ساراپشىسى جاۋاپقا تارتىلدى.
استانا قالاسىنىڭ اكىمشىلىك مامانداندىرىلعان اۋدانارالىق سوتىنىڭ قاۋلىسىمەن اقبتك 312-بابىنىڭ 2-بولىگى، 313-بابىنىڭ 1-بولىگى بويىنشا ساپاسىز قۇرىلىس- مونتاجداۋ جۇمىسىن جاساعانى جانە مەملەكەتتىك نورماتيۆتەردى بۇزا وتىرىپ جوبالىق قۇجاتتامانى قابىلداماعانى ءۇشىن سەگىز كومپانيا قۇرىلىس ليسەنزياسىنان ايىرىلعان.
«NAK development» ج ش س؛
«بازيسدوستروي» ج ش س؛
«ك س م ك- ا ف» ج ش س؛
«DBK- Engineering» ج ش س؛
«پروپيلون» ج ش س؛
«ANA Astana» ج ش س؛
«پ پ ك» جوبالاۋ- قۇرىلىس كومپانياسى» ج ش س؛
«X-clusive Qurylyus Group» ج ش س.