استانادا 7-جانە 9-مامىر مەرەكەلەرىنە وراي قانداي ءىس-شارالار وتەدى

استانا. KAZINFORM - استانادا 7-مامىر - وتان قورعاۋشىلار كۇنى مەن 9-مامىر - ۇلى وتان سوعىسىنداعى جەڭىستىڭ 80 جىلدىعىنا ارنالعان 100 گە جۋىق ءتۇرلى ءىس-شارا جوسپارلانىپ وتىر. ولاردىڭ اراسىندا كونسەرتتەر، كورمەلەر، اكسيالار، سپەكتاكلدەر جانە ت. ب. بار.

6-8-مامىر كۇندەرى ادام كوپ جينالاتىن ورىنداردا ەرىكتىلەر بليتس-ساۋالناما جۇرگىزىپ، قوعامدىق ورىنداردا «جەڭىس لەنتاسى» لەنتالارى مەن توسبەلگىلەرىن تاراتاتىن بولادى.

6-مامىردا ساعات 19:00 دە م. گوركيي اتىنداعى مەملەكەتتىك اكادەميالىق ورىس دراما تەاترىندا «ءاليا» سپەكتاكلىن كورسەتۋدى جوسپارلاپ وتىر، سونىمەن بىرگە ە. راحماديەۆ اتىنداعى مەملەكەتتىك اكادەميالىق فيلارمونيادا «كەستەلى ورامال» مەرەكەلىك كونسەرتى وتەدى. سونداي-اق، «جاستار» سارايىندا ساعات 19:00 دە «استانا» ەسترادالىق-سيمفونيالىق وركەسترىنىڭ كونسەرتتىك باعدارلاماسى جوسپارلانعان.

استانادا «VIRTUS WORLD TENNIS CHAMPIONSHIP» (دامۋىندا زياتكەرلىك كەمىستىگى بار تۇلعالار) ەرلەر مەن ايەلدەر اراسىندا تەننيستەن الەم چەمپيوناتى ءوتىپ جاتىر، ول 11-مامىرعا دەيىن «داۋلەت» تەننيس ورتالىعىندا مىنا مەكەنجاي بويىنشا جالعاسادى: قورداي كوشەسى، 6. كورەرمەندەرگە كىرۋ تەگىن.

6-10-مامىر ارالىعىندا ەلوردادا سپورتتىق گيمناستيكادان اشىق قالالىق چەمپيونات وتۋدە. جارىس ءا. جانگەلدين، 9ا مەكەنجايى بويىنشا «جەڭىس» سك وتەدى. كورەرمەندەرگە كىرۋ تەگىن.

2025-جىلعى 7-مامىردا ساعات 11:00 دە استانادا كونسەرتتەر مەن اسكەري پارادتىڭ تىكەلەي كورسەتىلىمى وتەدى. ساعات 11:00 دەن باستاپ ۇلكەن LED ەكراندار ارقىلى شەرۋ بىردەن بىرنەشە ورىندا كورسەتىلەدى:

1. ەلوردا اكىمدىگى عيماراتىنىڭ جانىنداعى قالالىق الاڭدا (تىكەلەي ەفير جانە مەرەكەلىك كونسەرت)؛

2. «استانا ارەنا» ستاديونىنىڭ اۋماعىندا (تىكەلەي ەفير جانە مەرەكەلىك كونسەرت)؛

3. «Astana Music Hall» اۆتوتۇراق اۋماعى (قۇمىرا) ب. مومىش ۇلى داڭعىلى، 1 (تەك تىكەلەي ترانسلياتسيا).

سونىمەن قاتار، ءىس-شارا رەسپۋبليكالىق تەلەارنالاردىڭ تىكەلەي ەفيرىندە كورسەتىلەدى.

ساعات 12:00 دە ءا. مامبەتوۆ اتىنداعى مەملەكەتتىك دراما جانە كومەديا تەاترىنىڭ اۋماعىندا ارتىستەردىڭ قاتىسۋىمەن اشىق اسپان استىندا مەرەكەلىك كونسەرت ۇيىمداستىرىلادى.

8-مامىر كۇنى ساعات 15.00 دە ۇلى وتان سوعىسىنداعى جەڭىستىڭ 80 جىلدىعىنا وراي جانە «تازا قازاقستان» ەكولوگيالىق اكسياسى اياسىندا اعاش وتىرعىزۋ اكسياسىن وتكىزۋ جوسپارلانىپ وتىر.

9-مامىردا بوتانيكالىق باقتا ەلوردالىق ستۋدەنتتەر مەن وقۋشىلار اراسىندا ەكىنشى دۇنيەجۇزىلىك سوعىسىنداعى جەڭىستىڭ 80 جىلدىعىنا ارنالعان جەڭىلاتلەتيكالىق ەستافەتا وتەدى. ەستافەتا ساعات 9:00 دە باستالادى. قاتىسۋعا سپورتتىق دايىندىعى بار جانە مەديتسينالىق تەكسەرۋدەن وتكەن وقۋشىلار مەن ستۋدەنتتەر جىبەرىلەدى (كوماندالار باسشى مەن دارىگەر كۋالاندىرعان ءوتىنىمدى ۇسىنۋى ءتيىس).

9-مامىردا ەكىنشى دۇنيەجۇزىلىك سوعىسىنداعى جەڭىستىڭ 80 جىلدىعىنا وراي «جاستار» ساياباعىندا ساعات 11:00 دەن 17:00 گە دەيىن جانە قالالىق الاڭدا ساعات 17:00 دە مەرەكەلىك كونسەرتتەر وتەدى. سول كۇنى ساعات 18:00 دە ءا. مامبەتوۆ اتىنداعى مەملەكەتتىك دراما جانە كومەديا تەاترى «ار ادامى - باۋىرجان» سپەكتاكلىنىڭ پرەمەراسى وتەدى.

سونداي-اق، 9-مامىردا ساعات 10:00 دەن 12:00 گە دەيىن قالا اكىمدىگى، قورعانىس مينيسترلىگى وكىلدەرىنىڭ، «جاس سارباز» بالالار-جاس وسپىرىمدەر اسكەري-پاتريوتتىق قوزعالىسىنىڭ تاربيەلەنۋشىلەرىنىڭ، اسكەري وركەستردىڭ قاتىسۋىمەن وركەسترمەن قۇتتىقتاۋ بولادى.

سونىمەن قاتار، 9-مامىردا ەلوردادا «Qazaqstan Barysy Grand Slam» دزيۋدودان حالىقارالىق تۋرنير باستالادى. جارىس ج. ۇشكەمپىروۆ اتىنداعى جەكپە-جەك سارايىندا وتەدى. كورەرمەندەرگە كىرۋ تەگىن.

10-مامىر كۇنى ساعات 17:00 دە ە. راحماديەۆ اتىنداعى مەملەكەتتىك اكادەميالىق فيلارمونيادا «مامىر ءۆالسى» مەرەكەلىك كونسەرتى وتەدى.

10-مامىر كۇنى ساعات 18:00 دە ءا. مامبەتوۆ اتىنداعى مەملەكەتتىك دراما جانە كومەديا تەاترىنىڭ ساحناسىندا «ار ادامى. باۋىرجان» ساحنالانادى.

ەستەرىڭىزگە سالا كەتەيىك، جەڭىستىڭ 80 جىلدىعىنا وراي ۇلى وتان سوعىسىنىڭ ارداگەرلەرى مەن مۇگەدەكتەرىنە، اسكەري ءىس-قيمىلدارعا قاتىسۋشىلارعا، استانادا تۇراتىن تىل ەڭبەككەرلەرىنە ءبىرجولعى تولەم اۋدارىلدى. سونداي-اق، «قامقورلىق مەكەنجايى» اكسياسى اياسىندا ارداگەرلەرگە ازىق-تۇلىك سەبەتتەرى تابىستالادى، اۋلالار قوقىستاردان تازارتىلادى جانە ت. ب.

ايتا كەتەلىك استانادا اسكەري شەرۋگە بايلانىستى قاي كوشەلەر ۋاقىتشا جابىلاتىنى تۋرالى جازعان ەدىك.