استانادا 2000 نان استام جۇمىسشى قار كۇرەۋگە شىقتى
ەلوردادا قىس مەزگىلى باستالىپ، قالىڭ قار جاۋۋىنا بايلانىستى كوممۋنالدىق قىزمەتتەر كۇشەيتىلگەن رەجيمدە جۇمىس ىستەر جاتىر، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.
1-جەلتوقسان كۇنى تاڭەرتەڭ قالا كوشەلەرىنىڭ قارى مەن مۇزىن كۇرەۋگە 2000 نان استام جول جۇمىسشى مەن 1000 عا جۋىق ارنايى تەحنيكا شىقتى. ءبىرىنشى كەزەكتە ورتالىق كوشەلەر، ايالدامالار مەن تروتۋارلار تازالانادى.
قالادا بىرنەشە جابدىقتالعان قار پوليگونى بار. ولار ساموسۆال تەحنيكاسىنىڭ نومىرلىك بەلگىلەرىن وقۋ جۇيەسىمەن جابدىقتالعان، مۇندا بەينەباقىلاۋ كامەرالارى ورناتىلعان، جارىقتاندىرۋ قوسىلعان.
- ەستەرىڭىزگە سالا كەتەيىك، سينوپتيكتەردىڭ مالىمەتىنشە، 1-جەلتوقسان كۇنى استانادا قارلى بوران، كوكتايعاق بولادى. جەل وڭتۇستىك- باتىستان سوعادى، ەكپىنى - 15-20 م/س. قالا تۇرعىندارى مەن قوناقتارىن كوشەدە جۇرگەندە وتە مۇقيات بولۋعا، كوكتايعاق كەزىندە قاۋىپسىزدىك ەرەجەلەرىن ساقتاۋعا شاقىرامىز، - دەدى استانا قالاسى اكىمدىگىنەن.
اۆتور
ەلميرا ورالبايەۆا