استانادا 18-قازان كۇنى وتەتىن ماڭىزدى ءىس-شارالار اڭداتپاسى

استانا. قازاقپارات - Kazinform حالىقارالىق اقپارات اگەنتتىگى 18-قازاندا بولاتىن ماڭىزدى ءىس-شارالار اڭداتپاسىن ۇسىنادى.

استانا

8.00 دە «BREAST CANCER MEETING 2024» ونكولوگ-ماممولوگتاردىڭ عىلىمي-پراكتيكالىق حالىقارالىق كونفەرەنسياسى وتەدى. وتەتىن ورنى: حۋسەين بەن تالال كوشەسى، 25، «Wyndham Garden Astana» قوناق ءۇيى.

9.00 دە تاۋەلسىزدىك سارايىندا CONNECTED-2024 حالىقارالىق كونفەرەنسياسى وتەدى. كونفەرەنسيانىڭ ماقساتى - بولاشاق بەينەسىن مادەنيەت پەن فيلوسوفيانىڭ، تەحنولوگيالاردىڭ جانە يننوۆاتسيانىڭ، تابيعاتپەن ءوزارا ارەكەتتەسۋدىڭ دۇنيەتانىمدىق كوزقاراسى ارقىلى ءتۇسىنۋ.

9.30 دا قازاقستان قورعانىس ۇلتتىق ۋنيۆەرسيتەتىندە «ر. قوشقاربايەۆ. رەيحستاگتاعى تۋ» تاقىرىبىندا عىلىمي-پراكتيكالىق كونفەرەنسيا وتەدى.

10.00 دە حالىق قاھارمانى راحىمجان قوشقاربايەۆتىڭ تۋعانىنا 100 جىل تولۋىنا وراي حالىق قاھارمانى ەسكەرتكىشىنە سالتاناتتى تۇردە گۇل شوقتارىن قويۋ ءراسىمى وتەدى (ر. قوشقاربايەۆ پەن ب. مومىش ۇلى داڭعىلدارىنىڭ قيىلىسى).

10.00 دە «قازاقستانداعى جانە ەلدىڭ سولتۇستىك وڭىرلەرىندەگى دەموگرافيالىق ترەندتەر: قازىرگى زامانعى سىن-تەگەۋرىندەر مەن دامۋ پەرسپەكتيۆالارى» اتتى حالىقارالىق كونفەرەنسيا وتەدى. وتەتىن ورنى: س. سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتى باس عيماراتى.

11:00 دە استانا ق.، م. اۋەزوۆ كوشەسى 8، «ازيا» بيزنەس ورتالىعىنىڭ 7-قاباتىندا قازاقستاننىڭ «بايتاق» جاسىلدار پارتياسى رەسپۋبليكالىق ايەلدەر كەڭەسىنىڭ جيىنى وتەدى.

11.30 دا ونكولوگيالىق اۋرۋلاردى ەمدەۋگە ارنالعان وزىق تەحنولوگيا - تەرانوستيكا تەحنولوگياسىن ق ر پ ءى ب مەدورتالىق اۋرۋحاناسىندا تاجىريبە جۇزىندە ەنگىزۋگە جانە ونىڭ دامۋ بارىسىنا ارنالعان باسپا ءسوز كونفەرەنسياسى وتەدى. وتەتىن ورنى: ە 495 كوشەسى، ق ر پ ءى ب مو اۋرۋحاناسى، س3 بلوك، يادرولىق مەديتسينا ورتالىعىنىڭ ءماجىلىس زالى.

14.00 دە ا ح ق و عيماراتىندا «مەملەكەت باسشىسىنىڭ ەكونوميكانى ىرىقتاندىرۋ جونىندەگى شارالار تۋرالى جارلىعى: پروتسەسس باستالدى ما؟» تاقىرىبىندا دوڭگەلەك ۇستەل وتەدى.