استانادا 0-9-سىنىپ وقۋشىلارى ساباقتى ونلاين وقيتىن بولدى. بۇل تۋرالى Kazinform ەلوردانىڭ ءبىلىم باسقارماسىنىڭ باسپا ءسوز قىزمەتىنە سىلتەمە جاساپ حابارلايدى.
«اۋا رايىنىڭ قولايسىزدىعىنا بايلانىستى ءبىرىنشى اۋىسىمنىڭ 0-9-سىنىپ وقۋشىلارى قاشىقتان وقىتۋ فورماتىنا اۋىستىرىلادى» دەلىنگەن حابارلامادا.
ايتا كەتەيىك، بۇعان دەيىن قىزىلوردا قالاسىندا اۋا رايىنىڭ قولايسىزدىعىنان تومەنگى سىنىپ وقۋشىلارى قاشىقتان وقيتىنىن جازعان ەدىك.
بۇل جونىندە قىزىلوردا قالالىق ءبىلىم ءبولىمى ءمالىم ەتكەن ەدى.
«قىزىلوردا قالاسى بويىنشا اۋا رايىنىڭ قولايسىزدىعىنا بايلانىستى ەرتەڭ، 11-جەلتوقساندا 0-4-سىنىپ وقۋشىلارى قاشىقتىقتان وقىتىلادى. بۇل شەشىم قالاداعى 56 مەكتەپ پەن جەكە مەكتەپتەردىڭ باستاۋىش سىنىپتارىنا قاتىستى»، - دەپ جازىلعان حابارلامادا.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан