استانادا 0-9-سىنىپ وقۋشىلارى قاشىقتان وقيتىن بولدى
07:35, 08 - جەلتوقسان 2023
استانادا بۇگىن ايازعا بايلانىستى ءبىرىنشى اۋىسىمنىڭ 0-9-سىنىپ وقۋشىلارى قاشىقتان وقيتىن بولدى. بۇل تۋرالى Kazinform ەلوردانىڭ ءبىلىم باسقارماسىنا سىلتەمە جاساپ حابارلايدى.
«اۋا رايىنىڭ قولايسىزدىعىنا بايلانىستى ءبىرىنشى اۋىسىمنىڭ 0-9-سىنىپ وقۋشىلارى قاشىقتان وقىتۋ فورماتىنا اۋىستىرىلادى» دەلىنگەن قالالىق ءبىلىم باسقارماسىنىڭ حابارلاماسىندا.
ايتا كەتەيىك، بۇعان دەيىن قاتتى ايازدىڭ بولجانۋىنا بايلانىستى اقمولا وبلىسىنىڭ كوكشەتاۋ قالاسىندا ءبىرىنشى اۋىسىمداعى بارلىق وقۋشى ونلاينعا كوشىرىلگەنىن جازعان ەدىك.