استانا. KAZINFORM - ەلورداداعى قاجىمۇقان مۇڭايتپاسوۆ اتىنداعى ەسكى ستاديوننىڭ ورىنىنا جاڭا جابىق كەشەن بوي كوتەرەتىن بولدى.
استانا قالالىق دەنە شىنىقتىرۋ جانە سپورت باسقارماسى ءمالىم ەتكەندەي، قالا اكىمدىگى ونىڭ ورنىنا جاڭاسىن سالماق. نىساننىڭ توبەسى جابىق بولادى.
«وسىعان بايلانىستى جوندەۋ جۇمىستارىنىڭ ورنىنا نىساندى تولىقتاي ءسۇرىپ، ورنىنا جاڭا ستاديون سالۋ جوسپارلانىپ وتىر. توبەسى جابىق نىسان سالۋ شەشىمى قابىلداندى، قازىر جوبالاۋ جۇمىستارى جۇرگىزىلىپ جاتىر»، - دەلىنگەن باسقارما تاراتقان اقپاراتتا.
جاڭا سالىناتىن ستاديون ءبىر جولدا 4500 كورەرمەندى قابىلداي الاتىن بولادى.
اۆتوركۇنسۇلتان وتارباي
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.