استاناداعى حالىقارالىق بوكس قاۋىمداستىعىنىڭ (IBA) ۇيىمداستىرۋىمەن وتەتىن «چەمپيوندار ءتۇنى» بوكس كەشىن تاماشالاۋعا اتالعان ۇيىمنىڭ پرەزيدەنتى ۋمار كرەمليەۆ ارنايى ۇشىپ كەلدى. بۇل تۋرالى Kazinform ق ر بوكس فەدەراتسياسىنىڭ باسپا ءسوز قىزمەتىنە سىلتەمە جاساپ حابارلايدى.
«حالىقارالىق بوكس فەدەراتسياسىنىڭ پرەزيدەنتى ۋمار كرەمليەۆ ەلوردا تورىندە العاش رەت وتكىزگەلى جاتقان «چەمپيوندار ءتۇنى IBA» شاراسىنا ارنايى كەلدى»، - دەلىنگەن حابارلامادا.
ەستەرىڭىزگە سالا كەتەيىك، بۇگىن استاناداعى «Beeline Arena» سپورت كەشەنىندە «چەمپيوندار ءتۇنى» اتتى بوكس كەشى وتەدى. وندا وتاندىق بوكسشىلاردىڭ قاتىسۋىمەن 8 جەكپە-جەك ۇيىمداستىرىلادى.
كەشتىڭ باستى جەكپە-جەگىندە - 71 كەلى سالماقتا ريو وليمپياداسىنىڭ چەمپيونى، 2013-جىلعى الەم چەمپيونى دانيار ەلەۋسىنوۆ (11-0، 6 ك و) وڭتۇستىك افريكا رەسپۋبليكاسىنىڭ وكىلى دجابۋلاني ماكحەنسەمەن (14-2، 7 ك و) جۇدىرىقتاسادى.
اۆتور كۇنسۇلتان وتارباي
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.