استاناعا ءتورت مەملەكەت باسشىسى ەكولوگيالىق سامميتكە كەلدى

استانا. KAZINFORM - ەلورداعا 2026-جىلعى وڭىرلىك ەكولوگيالىق سامميتكە قاتىسۋ ءۇشىن ءتورت مەملەكەتتىڭ باسشىسى كەلدى. بۇل تۋرالى ۇكىمەتتىڭ باسپا ءسوز قىزمەتى ءمالىم ەتتى.

استاناعا كەلگەندەر قاتارىندا تاجىكستان پرەزيدەنتى ەمومالي راحمون، ارمەنيا پرەزيدەنتى ۆااگن حاچاتۋريان، قىرعىزستان پرەزيدەنتى سادىر جاپاروۆ جانە تۇرىكمەنستان پرەزيدەنتى سەردار بەردىمۋحامەدوۆ بار.

ايتا كەتەيىك، 2026-جىلعى 22-24-ءساۋىر ارالىعىندا قازاقستاندا ماڭىزدى حالىقارالىق وقيعا - وڭىرلىك ەكولوگيالىق سامميت (ءو ە س) وتەدى.

بۇل ءىس-شارا - وڭىرلىك ىنتىماقتاستىقتى نىعايتۋعا جانە تۇراقتى ەكولوگيالىق كۇن ءتارتىبىن ىلگەرىلەتۋگە باعىتتالعان قازاقستاننىڭ دايەكتى ساياساتىنىڭ قيسىندى جالعاسى.

سامميت بىرىككەن ۇلتتار ۇيىمىمەن سەرىكتەستىكتە وتكىزىلەدى، سوندىقتان ب ۇ ۇ جۇيەسىنىڭ بەيىندى اگەنتتىكتەرى سامميتتى دايىنداۋعا جانە وتكىزۋگە بەلسەندى قاتىسادى.

يۋنيسەف، جاڭارتىلاتىن ەنەرگيا كوزدەرى جونىندەگى حالىقارالىق اگەنتتىك جانە حالىقارالىق ەنەرگەتيكالىق اگەنتتىك سياقتى ءىرى ۇيىمدارمەن نەگىزگى ساراپتامالىق ءارى مازمۇندى قولداۋ كورسەتەدى. ولاردىڭ قاتىسۋى تۇراقتى دامۋدىڭ جاھاندىق باسىمدىقتارىن ەسكەرە وتىرىپ، سامميتتىڭ كۇن ءتارتىبىن قالىپتاستىرۋعا جانە وزىق حالىقارالىق تاجىريبەگە سۇيەنۋگە مۇمكىندىك بەرەدى.