استانا پوليتسياسى قىزمەت وتكەرۋدىڭ كۇشەيتىلگەن نۇسقاسىنا كوشتى
استانا. KAZINFORM - قوعامدىق ءتارتىپ پەن قاۋىپسىزدىكتى قامتاماسىز ەتۋ، سونداي-اق، استانادا شانحاي ىنتىماقتاستىق ۇيىمىنىڭ سامميتىن وتكىزۋ كەزەڭىندە قۇقىق بۇزۋشىلىقتاردىڭ الدىن-الۋ جانە جولىن كەسۋ ماقساتىندا پوليتسيانىڭ جەكە قۇرامى قىزمەت وتكەرۋدىڭ كۇشەيتىلگەن نۇسقاسىنا اۋىستىرىلدى.
بۇل تۋرالى استانا قالاسى پ د باسپا ءسوز قىزمەتى مالىمدەدى.
«كوشەلەردە جانە مادەني-بۇقارالىق ءىس-شارالار وتكىزىلەتىن ورىنداردا قوسىمشا قاۋىپسىزدىك شارالارى قابىلداندى. جاساقتار سانى ۇلعايتىلدى، بەينەباقىلاۋ كامەرالارىن پايدالانۋ ارقىلى ۆيزۋالدى باقىلاۋ كۇشەيتىلدى»، - دەلىنگەن حابارلامادا.
قالاعا كىرە بەرىستە پوليتسيانىڭ «رۋبەج» ستاتسيونارلىق بەكەتتەرى جۇمىس ىستەيدى، وندا ازاماتتاردىڭ قۇجاتتارى مەن كولىكتەگى تىيىم سالىنعان زاتتاردىڭ بار-جوعى تەكسەرىلىپ جاتىر.
«اۆتوجولدارداعى قاۋىپسىزدىكتى قامتاماسىز ەتۋگە ەرەكشە نازار اۋدارىلعان. دەلەگاتسيالاردىڭ ارنايى كولوننالارىنىڭ ءوتۋ كەزىندە ەلوردانىڭ ماگيسترالدىق كوشەلەرىندەگى قوزعالىس ۋاقىتشا شەكتەلەتىن بولادى»، - دەپ حابارلادى استانا قالاسى پ د باسپا ءسوز قىزمەتى.
سونىمەن قاتار، ازاماتتاردىڭ قالاعا كىرۋى مەن شىعۋى بويىنشا قانداي دا ءبىر شەكتەۋلەر قاراستىرىلماعان.
استانا قالاسىنىڭ پوليتسيا دەپارتامەنتى ەلوردا تۇرعىندارى مەن قوناقتارىن قوعامدىق ءتارتىپتى ساقتاۋعا، قاۋىپسىزدىكتى قامتاماسىز ەتۋ بويىنشا قابىلداناتىن شارالارعا تۇسىنىستىك تانىتۋعا شاقىرادى.