استانا قۇرىلىسى

 قازاقپارات «تاريحي فوتو» ايدارىن ۇسىنادى. بۇگىن رەداكتسيا استانا قالاسىنىڭ قۇرىلىسى تۋرالى اڭگىمەلەيدى. 

ەلىمىز تاۋەلسىزدىك العاننان كەيىن الماتى ەل استاناسىنا قويىلاتىن بىرنەشە تالاپتارعا ساي كەلمەدى: قالا ورتالىقتا ەمەس، ەلدىڭ وڭتۇستىك-شىعىسىندا قىرعىزستان جانە قىتايمەن شەكارالاس جەردە ورنالاسقان. قالانىڭ ەكولوگيالىق جانە سەيسميكالىق جاعدايى دا ناشار.

جاڭا استانانى تاڭداعان كەزدە نازاربايەۆ 32 كريتەريدى ۇستاندى: الەۋمەتتىك- ەكونوميكالىق كورسەتكىشتەر، كليمات، لاندشافت، سەيسميكالىق جاعدايلار، دامۋ پەرسپەكتيۆالارى، ادام رەسۋرستارى جانە باسقالار.

1994 -جىلى 6-شىلدەدە قازاقستان جوعارعى كەڭەسى استانانى الماتىدان اقمولاعا كوشىرۋ تۋرالى قاۋلى قابىلدادى. قۇرىلىس جوسپارى بويىنشا ءبىرىنشى كەزەڭدە اقمولادا 175 نىساننىڭ قۇرىلىسى جوسپارلانسا، ونىڭ 102 سى 1996 -جىلى اياقتالىپ، پايدالانۋعا بەرىلۋى ءتيىس بولاتىن.

ءبىراق باستاپقىدا كليماتتىق جاعدايعا جانە قۇرىلىسشىلاردىڭ تاجىريبەسىنىڭ بولماۋىنا بايلانىستى قۇرىلىس باياۋ ءجۇردى. 1997 -جىلى 10-جەلتوقساندا استانانى كوشىرۋ تۋرالى تۇپكىلىكتى شەشىم قابىلداندى. اقمولانىڭ جاڭا استانا رەتىندە حالىقارالىق تۇساۋكەسەرى 1998 -جىلى 10-ماۋسىمدا ءوتتى.