استانا قالاسىنىڭ پروكۋراتۋراسى مەملەكەتكە 55 جەر تەلىمىن قايتاردى
12:04, 25 - شىلدە 2024
استانا. KAZINFORM - ەلوردا پروكۋراتۋراسى مەملەكەتتىڭ مۇقتاجدىعى ءۇشىن جەر تەلىمدەرىن الۋ تۋرالى سوت اكتىلەرىنىڭ ورىندالۋىنا تالداۋ جۇرگىزدى.
جاۋاپكەرشىلىگى شەكتەۋلى سەرىكتەستىكتەردىڭ ءبىرى اقشالاي وتەماقى الىپ، قالانى اباتتاندىرۋ ءۇشىن 50 جەر تەلىمدەرىن مەملەكەتكە بەرۋ تۋرالى سوت شەشىمىن 2 جىل بويى ورىنداماعان.
تاعى ءبىر جەكە تۇلعا وتەماقى الىپ، 4 مىڭ بالاعا ءبىلىم بەرۋگە ارنالعان مەكتەپ سالۋ ءۇشىن جەر تەلىمىن مەملەكەتكە بەرۋ تۋرالى سوت شەشىمىن ءبىر جىل بويى ورىنداماعان.
جوعارىدا اتالعان سوت اكتىلەرى پروكۋرورلىق قاداعالاۋ اكتىسى نەگىزىندە ورىندالىپ، جەر تەلىمدەرىن مەملەكەتكە بەرۋ جۇزەگە اسىرىلدى.
اۆتور
ابىلايحان جۇماشيەۆ