استانا LRT- نىڭ بۇرىنعى باسشىسى تالعات اردان انتيكوردىڭ شاقىرتۋىنا كەلگەن جوق
استانا. KAZINFORM - بيىل شىلدەدە سىبايلاس جەمقورلىققا قارسى ءىس-قيمىل اگەنتتىگى تالعات ارداندى ب ا ق ارقىلى جاۋاپ الۋعا شاقىرعان ەدى. ءبىراق اتالعان تۇلعا جاۋاپ بەرۋگە ۋاقىتىندا كەلمەگەن.
بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بيگايداروۆ ءمالىم ەتتى.
«قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى «Astana LRT» ج ش س- نىڭ بۇرىنعى باسقارما ءتوراعاسى تالعات اردانعا قاتىستى قىلمىستىق ءىستى تەرگەۋدى اياقتادى. ءبىز قىلمىستىق كودەكستىڭ 208-بابى جانە 205-بابىنىڭ 1-بولىمىنە سايكەس قازاقستانعا جاۋاپ الۋعا شاقىردىق. ولار كەلگەن جوق. قىلمىستىق ءىس جاساعان دالەلدەرى تولىقتاي تابىلدى. قىلمىستىق ءىس 19-قىركۇيەكتە سوتقا جولداندى»، - دەدى دانيار بيگايداروۆ اگەنتتىكتە وتكەن باسپا ءسوز ءماسليحاتىندا.
سونداي-اق انتيكور وكىلى اتالعان تۇلعاعا قاتىستى ءىستىڭ سوتقا جولدانىپ، ءتيىستى شەشىم قابىلداناتىنىن ايتتى. ودان بولەك، بەلگىلى بولعانداي تالعان اردان قازاقستان اۋماعىندا ەمەس.
وتكەن جىلى مامىردا ەلوردادا سالىنباي قالعان Astana LRT قۇرىلىسىنا قاتىستى قىلمىستىق ءىس بويىنشا سوت ۇكىمى شىقتى. سوت ۇكىمىمەن تالعات اردان مەن قانات سۇلتانبەكوۆ 7 جىلعا سوتتالدى.
باس پروكۋراتۋرا تالعات اردان مەن قانات سۇلتانبەكوۆتى ىزدەۋ جۇمىسىنىڭ توقتامايتىنىن ايتتى.
ەسكە سالا كەتسەك، بيىل تامىزدا Astana LRT بۇرىنعى باسشىسى تالعات اردانعا قاتىستى قىلمىستىق ءىس تەرگەلىپ جاتقانى بەلگىلى بولدى.