استانا «جەر ساعاتى» ەكولوگيالىق اكسياسىنا قاتىستى
08:10, 24 - ناۋرىز 2024
استانا. KAZINFORM - اقوردا «جەر ساعاتى» جاھاندىق ەكولوگيا اكتسياسىن قولدادى جانە ءبىر ساعاتقا ەلەكتر شامىن ءسوندىردى.
«جەر ساعاتى» — دۇنيەجۇزىلىك جابايى تابيعات قورىنىڭ (WWF) باستاماسىمەن 2007 -جىلدان بەرى بۇكىل الەمدە وتكىزىلىپ كەلە جاتقان ەڭ اۋقىمدى حالىقارالىق ەكولوگيالىق شارا. بۇل شاراعا 180 ەل، 7 مىڭ قالا قاتىسادى.
قازاقستان اتالعان ەكولوگيالىق اكسياعا 2009 -جىلدان باستاپ قاتىسىپ كەلەدى.
جىل سايىنعى ءداستۇر بويىنشا ناۋرىز ايىنىڭ سوڭعى سەنبىسىندە ەل تۇرعىندارى ساعات 20:30 دان 21:30 عا دەيىن ءۇيى مەن پاتەرىندەگى شامدار مەن تۇرمىستىق ەلەكتر قۇرالدارىن وشىرەدى.
بۇل اكسياعا مەملەكەتتىك جانە جەكە تۇلعالار دا قولداۋ كورسەتەدى.
ەسكە سالا كەتسەك، استانادا 33 عيماراتتى جارىقتاندىرۋ 1 ساعاتقا ءوشىرىلدى.