«استانا» حالىقارالىق قارجى ورتالىعىندا 3000- كومپانيا تىركەلدى

استانا. KAZINFORM - «استانا» حالىقارالىق قارجى ورتالىعىندا (ا ح ق و، ورتالىق) تىركەلگەن كومپانيالاردىڭ سانى 3000-نان استى.

3000 كومپانيا بولىپ ACWA Power Kazakhstan تىركەلدى.

ساۋد ارابياسىندا تىركەلگەن ACWA Power - سۋدى تۇشىلاندىرۋمەن اينالىساتىن الەمدەگى ەڭ ءىرى جەكە مەنشىك كومپانيا، ەنەرگەتيكالىق اۋىسۋدىڭ كوشباسشىسى جانە «جاسىل» سۋتەگىنى قولدانۋعا تۇڭعىش جول اشۋشى. قازىرگى ۋاقىتتا ACWA Power تاياۋ شىعىس، افريكا، ورتالىق ازيا جانە وڭتۇستىك-شىعىس ازيانىڭ 13 ەلىندە جۇمىس ىستەيدى. كومپانيانىڭ پورتفەلىندە ينۆەستيتسيالىق قۇنى 94,3 ميلليارد ا ق ش دوللارىن قۇرايتىن، 65,6 گۆت ەلەكتر ەنەرگياسىن وندىرۋگە جانە تاۋلىگىنە 8,0 ميلليون كۆپ تۇشىلاندىرىلعان سۋ وندىرۋگە قابىلەتتى 90 جۇمىس ىستەپ تۇرعان، ازىرلەۋ نەمەسە سالۋ ساتىسىنداعى جوبالار بار.

ACWA Power جەتىسۋ وبلىسىندا جالپى قۋاتى 1 گۆت ەنەرگيانى ساقتاۋ جۇيەلەرى بار جەل ەلەكتر ستانتسياسىن سالۋدى جوسپارلاپ وتىر. بۇل جوبا كومىرتەگى بەيتاراپتىعىنا قول جەتكىزۋگە جانە جاڭارتىلعان ەنەرگيا كوزدەرىنىڭ ۇلەسىن ارتتىرۋعا باعىتتالعان.

بۇل ا ح ق و- نىڭ نەگىزگى مىندەتتەرىنىڭ ءبىرى - تومەن كومىرتەكتى ەكونوميكاعا كوشۋدى، جاسىل ينۆەستيتسيالاردى تارتۋدى جانە قولداۋشى قارجىلىق ەكوجۇيەنى قۇرۋدى قوسا العاندا، ورنىقتى دامۋ ماقساتتارىنا جاردەمدەسۋگە تىكەلەي سايكەس كەلەدى.

ا ح ق و ءوسىمى تەك سانمەن عانا ەمەس، سونىمەن قاتار حالىقارالىق قامتۋمەن دە ولشەنەدى. بۇگىنگى تاڭدا ورتالىقتىڭ قاتىسۋشىلارى - 82 ەلدىڭ كومپانيالارى، ولاردىڭ العاشقى وندىعىنا قىتاي، رەسەي، ۇلى بريتانيا، ا ق ش، تۇركيا، بىرىككەن اراب امىرلىكتەرى، سينگاپۋر، ءۇندىستان، نيدەرلاندى جانە كيپر رەسپۋبليكاسى كىرەدى. ەلدەردىڭ الۋان تۇرلىلىگى ا ح ق و- نىڭ جاھاندىق قارجى ورتالىعى رەتىندەگى تارتىمدىلىعىن ايشىقتايدى.

ا ح ق و باسقارۋشىسى رەنات بەكتۇروۆ: «ورتالىق قاتىسۋشىلارى سانىنىڭ ءوسۋى ا ح ق و- نىڭ جالپى قۇقىق قاعيداتتارىنا نەگىزدەلگەن بىرەگەي قۇقىقتىق بازاسىن، قولايلى سالىق شارتتارىن جانە قاتىسۋشىلارىنىڭ بيزنەس- وپەراتسيالارىن قولداۋعا باعىتتالعان قىزمەتتەر كەشەنىن قوسا العاندا، ءبىرقاتار فاكتورلارعا بايلانىستى. ورتالىق قۇرىلعان ساتتەن باستاپ قارجىلىق، تەحنولوگيالىق، ەنەرگەتيكالىق جانە باسقا سالالاردى قوسا العاندا، ءتۇرلى سەكتورلاردان كومپانيالاردى تارتۋدا، وسىلايشا قازاقستان مەن ءوڭىردىڭ يننوۆاتسيالارى مەن ەكونوميكالىق دامۋىنا ىقپال ەتۋدە».

قازاقستانداعى ا ح ق و ونىڭ يۋريسديكسياسىندا جۇمىس ىستەيتىن ۇيىمدار ءۇشىن ءتۇرلى ارتىقشىلىقتار ۇسىنادى. ورتالىقتىڭ سۋبەكتىلەرى ليتسەنزيالانعان نارىق ينستيتۋتتارى، FinTech Lab قاتىسۋشىلارى، رەتتەلەتىن قىزمەت تۇرلەرىن جۇزەگە اسىراتىن تۇلعالار، قوسالقى قىزمەتتەر ۇسىنۋشىلار جانە ت. ب. رەتىندە جۇمىس ىستەيدى. ا ح ق و- دا تىركەلگەن ۇيىمداردىڭ ءاربىر ءتۇرى وسى ارتىقشىلىقتاردى ءارتۇرلى تاسىلدەرمەن پايدالانا الادى.

ليتسەنزيالانعان نارىقتىق ينستيتۋتتار ا ح ق و شەڭبەرىندە جاقسى رەتتەلەتىن نارىقتىق ينفراقۇرىلىمعا، قىزمەتتىڭ اشىقتىعى مەن ينۆەستورلاردىڭ قورعالۋىنا قول جەتكىزە الادى. ا ح ق و سەنىمدى قۇقىقتىق بازانى جانە رەتتەۋشىلىك قولداۋ كورسەتۋدى قامتاماسىز ەتەدى، بۇل نارىققا دەگەن سەنىمدىلىكتى جانە ونىڭ جاھاندىق ينۆەستورلار ءۇشىن تارتىمدىلىعىن ارتتىرادى.

سونىمەن قاتار، FinTech Lab ءوسۋدى تەزدەتىپ جانە نارىققا شىعۋدى جەڭىلدەتىپ، قارجىلىق تەحنولوگيالار سالاسىنداعى يننوۆاتسيالار ءۇشىن قولايلى ورتانى ۇسىنادى.

ا ح ق و- دا رەتتەلەتىن قىزمەتتى جۇزەگە اسىراتىن كومپانيالار حالىقارالىق ستاندارتتارعا سايكەس كەلەتىن كەشەندى رەتتەۋشى-قۇقىقتىق بازانى پايدالانا الادى. بۇل كليەنتتەر مەن ينۆەستورلاردىڭ سەنىمى مەن سەنىمدىلىگىن ارتتىرادى.

ا ح ق و- دا قارجىلىق ەمەس قىزمەتپەن اينالىساتىن كومپانيالار ءوڭىردىڭ ستراتەگيالىق ورنالاسۋى، زاماناۋي ينفراقۇرىلىم جانە بيزنەستى جۇرگىزۋ ءۇشىن قولايلى جاعدايلار تۇرىندەگى ارتىقشىلىقتارعا يە بولادى.

قوسالقى قىزمەتتەر ۇسىنۋشىلار قارجى مەكەمەلەرىنە قاجەتتى قوسالقى قىزمەتتەردى ۇسىنا وتىرىپ، ءوسىپ كەلە جاتقان قارجىلىق ەكوجۇيەنى پايدالانا الادى.

ورتالىقتىڭ 3000 قاتىسۋشىسىنىڭ - دان استامىن رەتتەلەتىن قىزمەتتى جۇزەگە اسىراتىن ا ح ق و قاتىسۋشىلارى، ليتسەنزيالانعان نارىقتىق ينستيتۋتتار، FinTech Lab قاتىسۋشىلارى جانە قوسالقى قىزمەتتەردى ۇسىنۋشىلاردى قۇرايدى.

2024 -جىلدىڭ ءبىرىنشى جارتىجىلدىعىندا AFSA تاعى 32 ليتسەنزيا بەردى، ونىڭ ىشىندە تولىق رەتتەۋشى رەجيمدە جۇمىس ىستەيتىن 14 كومپانيا، AFSA رەتتەۋشى قۇم الاڭىنىڭ 4 مۇشەسى جانە قوسالقى قىزمەتتەردىڭ 14 ۇسىنۋشىسى بار. بۇل 2023 -جىلدىڭ ءبىرىنشى جارتىجىلدىعىمەن سالىستىرعاندا ەكى ەسە كوپ.

2021 -جىلدىڭ قىركۇيەگىندە ا ح ق و 1000- كومپانيانى تىركەدى، ال 2023 -جىلدىڭ شىلدەسىندە ونىڭ سانى ەكى ەسەگە ءوسىپ، 2000 تىركەلگەن كومپانياعا جەتكەن بولاتىن.

اۆتور

اسحات رايقۇل