استانا حالىقارالىق اۋەجايى جولاۋشىلارعا ەسكەرتۋ جاسادى

استانا. KAZINFORM - استانا حالىقارالىق اۋەجايى 19-شىلدە كۇنى تەحنيكالىق جۇمىستار جۇرگىزىلۋىنە بايلانىستى ەلەكتروندىق سەرۆيستەر ۋاقىتشا جۇمىس ىستەمەيتىنىن حابارلادى.

- استانا حالىقارالىق اۋەجايى «ۇلتتىق اقپاراتتىق تەحنولوگيالار» ا ق حابارلاماسىنا سايكەس، 2025-جىلعى 19شىلدە كۇنى ساعات 02:00 دەن 08:00 گە دەيىن كومپانيانىڭ سيفرلىق سەرۆيستەرىنىڭ تۇراقتى جۇمىسىن قامتاماسىز ەتۋ ماقساتىندا جوسپارلى تەحنيكالىق جۇمىستار جۇرگىزىلەتىنىن حابارلايدى. اتالعان ۋاقىت ارالىعىندا كەلەسى مەملەكەتتىك ەلەكتروندىق سەرۆيستەر ۋاقىتشا قولجەتىمسىز بولۋى مۇمكىن: eGov پورتالى، eGov mobile قوسىمشاسى («سيفرلىق قۇجاتتار» قىزمەتىن قوسا العاندا)، e-Otinish ،E-license جانە وزگە دە مەملەكەتتىك قىزمەتتەر، - دەلىنگەن حابارلامادا.

تەحنيكالىق جۇمىستار تۇنگى ۋاقىتتا، پايدالانۋشىلاردىڭ بەلسەندىلىگى تومەن كەزەڭدە جۇرگىزىلەدى. دەگەنمەن مۇمكىن بولاتىن قولايسىزدىقتاردىڭ الدىن الۋ ءۇشىن بارلىق قاجەتتى وپەراتسيانى الدىن الا اياقتاۋدى جانە اۋەجايداعى تىركەلۋ، تەكسەرىستەن ءوتۋ كەزىندە قاجەت بولۋى مۇمكىن جەكە كۋالىك، پاسپورت، تۋۋ تۋرالى كۋالىك جانە باسقا دا قۇجاتتاردىڭ ءتۇپنۇسقالارىن وزىڭىزبەن بىرگە الىپ ءجۇرۋ ۇسىنىلادى.

- تۇسىنىستىك تانىتقاندارىڭىز ءۇشىن العىس ايتامىز، - دەدى اۋەجايدان.

ايتا كەتەيىك، الماتى اۋەجايىنا كىرۋ-شىعۋ جولى ۋاقىتشا وزگەرەدى.