استانا ش ى ۇ سامميتىنە قالاي دايىندالىپ جاتىر - فوتورەپورتاج
استانا. قازاقپارات - 3-4-شىلدەدە استانادا شاڭحاي ىنتىماقتاستىق ۇيىمىنىڭ سامميتى وتەتىنى بەلگىلى. ش ى ۇ- عا مۇشە مەملەكەتتەردىڭ باسشىلارى ءوزارا ءىس- قيمىلدىڭ كەڭ اۋقىمدى وزەكتى ماسەلەلەرىن قاراستىرۋعا نيەتتى. ەلوردا قۇرمەتتى مەيمانداردى كۇتۋگە، جالپى، ماڭىزدى شاراعا قالاي دايىندالىپ جاتىر؟ Kazinform اگەنتتىگى ءتىلشىسى ارنايى فوتورەپورتاج جاساپ كوردى.
سامميتتىڭ اشىلۋ قارساڭىندا استانا حالىقارالىق ديپلوماتيانىڭ ناعىز ورتالىعىنا اينالدى. ەلوردا اۋەجايى اۋماعىنان باستاپ شاھاردىڭ تۇكپىر-تۇكپىرىندە دايىندىقتىڭ جوعارى دەڭگەيى سەزىلىپ تۇر. مارتەبەلى قوناقتاردى قارسى الۋ ءۇشىن ش ى ۇ رامىزدەرى مەن سالەمدەسۋ جازۋلارى بار ۇلكەن باننەرلەر ازىرلەنىپ، مەرەكەلىك كوڭىل كۇي قالىپتاستىرادى.
ش ى ۇ سامميتى كەزىندە ەلوردا اۋەجايى مەن ۆوكزالداردا تاۋلىك بويى كۇشەيتىلگەن جۇمىس رەجيمى قامتاماسىز ەتىلمەك. بۇل رەتتە، قوسىمشا وندىرىستىك پەرسونال مەن ديسپەتچەرلىك قىزمەتكەرلەر تارتىلادى. بۇدان بولەك، 100-دەن استام قىزمەتكەر مەن ەرىكتى جۇمىلدىرىلماق.
سامميتكە كەلەتىن پرەزيدەنتتەر مەن ۇكىمەت باسشىلارى دەلەگاتسيالارىنا ىڭعايلى بولۋ ءۇشىن ەلوردادا بارىنشا قولايلى جاعداي جاسالعان. بارلىق جولدار جوندەلىپ، كوشەلەر تازالانعان.
قالانى اباتتاندىرۋ مەن كوگالداندىرۋعا دا ەرەكشە كوڭىل ءبولىندى. ورتالىق كوشەلەرگە جاڭا اعاشتار، گۇلدەر مەن بۇتالار وتىرعىزىلعان.
سامميت وتەتىن ورىن رەتىندە تاۋەلسىزدىك سارايىنىڭ تاڭدالۋى تەگىن ەمەس. وندا كوپتەگەن جىلدار بويى ءارتۇرلى فورماتتاعى كوپتەگەن ماڭىزدى مەملەكەتتىك جانە حالىقارالىق ءىس- شارالار ۇيىمداستىرىلدى. عيماراتتىڭ ءوزى جانە ونىڭ اينالاسى قازاقستان استاناسىنىڭ سيمۆولدىق رامىزدەرىنىڭ ءبىرى بولىپ سانالادى.
بۇگىندە ساراي ماڭىندا سوڭعى دايىندىق جۇمىستارى اياقتالدى. عيمارات قاتىسۋشى ەلدەردىڭ تۋىمەن بەزەندىرىلگەن، بۇل - ينتەرناتسيونالدىق بىرلىك پەن حالىقتار دوستىعى اۋراسىن قالىپتاستىرادى. ورتالىق داڭعىلدار مەن الاڭدار دا ش ى ۇ رامىزدەرى بەينەلەنگەن ۇلكەن باننەرلەر جانە تۋلارمەن بەزەندىرىلگەن.
ايتا كەتەيىك، تاۋەلسىزدىك سارايىنا قاراما-قارسى بەيبىتشىلىك جانە كەلىسىم سارايىنىڭ عيماراتىندا الەمدىك اگەنتتىكتەردىڭ جۋرناليستەرىنە ارنالعان باسپا ءسوز ورتالىعى ورنالاسادى.
سامميتتىڭ جوعارى مارتەبەسىن ەسكەرە وتىرىپ، پوليتسيا قىزمەتكەرلەرى كۇشەيتىلگەن جۇمىس رەجيمىنە اۋىستى. قالا تىنىشتىعىن ساقتايتىن ءتارتىپ ساقشىلارىنىڭ سانى ارتىپ، بەينەباقىلاۋ كامەرالارى ارقىلى ۆيزۋالدى باقىلاۋ كۇشەيتىلگەن. قالاعا كىرەبەرىس اۋماقتاردا «رۋبەج» ستاتسيونارلىق پوليتسيا بەكەتتەرى ورناتىلعان، وندا قۇجاتتار مەن كولىكتەردە تىيىم سالىنعان زاتتاردىڭ بار-جوعى تەكسەرىلەدى. سونىمەن قاتار، سامميت بارىسىندا اۋە قاۋىپسىزدىگى دە كۇشەيتىلەدى.
پوليتسەيلەر شەتەل دەلەگاتسيالارىنىڭ كولىكپەن ءوتۋى كەزىندە ەلوردانىڭ باستى كوشەلەرىندە كولىك قوزعالىسى ۋاقىتشا شەكتەلەتىنىن ەسكەرتتى. دەگەنمەن، قالا تولىعىمەن جابىلمايتىنىن اتاپ وتكەن ءجون.
دەسە دە، قالا اكىمدىگى ازاماتتارعا ىڭعايلى بولۋ ءۇشىن جانە كولىك كەپتەلىسىن بولدىرماۋ ءۇشىن مەملەكەتتىك ورگاندار مەن كۆازيمەملەكەتتىك سەكتورعا 2-4-شىلدە ارالىعىندا قىزمەتكەرلەرىنىڭ p عا دەيىنىن قاشىقتىقتان جۇمىس ىستەۋ فورماتىنا اۋىستىرۋدى ۇسىندى.
بالاباقشالار جابىلاتىنىن ەسكە سالعان ءجون.
سونداي-اق استاناداعى ءبىرقاتار ورتالىق كوشە بويىندا اۆتوكولىكتەردى قويۋعا تىيىم سالىنادى.
ۇلتتىق قاۋىپسىزدىك كوميتەتى شاڭحاي ىنتىماقتاستىق ۇيىمىنىڭ سامميتىنە وراي تۇرعىندارعا ۇندەۋ جاساپ، سامميت ءوتىپ جاتقاندا تەرروريستىك قاۋىپتىڭ «سارى» دەڭگەيى ەنگىزىلەتىن مالىمدەدى.
اۆتور
ورالحان قوجانوۆ