استانا الداعى دۇنيەجۇزىلىك كوشپەندىلەر ويىندارىنا قالاي بەزەندىرىلەدى
استانا. KAZINFORM - ەلوردادا 8-13 -قىركۇيەك ارالىعىندا V دۇنيەجۇزىلىك كوشپەندىلەر ويىندارى وتەدى. جارىسقا الەمنىڭ 89 ەلىنەن 2 مىڭنان استام ادام قاتىسادى دەپ كۇتىلۋدە.
استانانىڭ بارلىق اۋدانىندا الداعى دۇنيەجۇزىلىك كوشپەندىلەر ويىندارىنا قىزۋ دايىندىق ءجۇرىپ جاتىر. بۇل تۋرالى ەلوردا اكىمدىگىنىڭ رەسمي سايتى جازدى.
دايىندىق اياسىندا استانا اۋقىمدى ءىس-شارانىڭ ەرەكشەلىگىن بەينەلەيتىن شاعىن ساۋلەت نىساندارىمەن بەزەندىرىلگەن. قالانىڭ ءتۇرلى اۋماعىندا مۇسىندەر، ساندىك قۇرىلىمدار مەن قوندىرعىلاردى قامتيتىن شاعىن ارحيتەكتۋرالىق فورمالار ورناتىلعان. بۇل ەلەمەنتتەر كوشپەلى حالىقتاردىڭ مادەني مۇراسىن، ولاردىڭ داستۇرلەرى مەن ادەت- عۇرىپتارىن كورسەتەدى. كيىز ۇيلەر، جىلقىلار، سونداي- اق تاريحي جانە ميفولوگيالىق بەينەلەر سياقتى كوشپەلى مادەنيەتكە ءتان سيمۆوليزمگە ەرەكشە نازار اۋدارىلادى.
ءتۇرلى ينستاللياتسيالار نۇرا اۋدانىنداعى ورتالىق ساياباقتا، عاشىقتار ساياباعىندا، «ازيا پاركى» س و و جانىندا، «قازانات» يپپودرومىنىڭ اۋماعىندا ورناتىلادى، وندا ءبىرقاتار جارىس وتكىزىلەدى.
سارى ارقا اۋدانىندا تەمىرجول ۆوكزالىندا، «تەاتر» الاڭىندا جانە «Radisson» قوناق ءۇيىنىڭ جانىندا ارنايى تاقىرىپتاعى شاعىن ساۋلەت نىساندارى ورناتىلعان.
الماتى اۋدانىندا «نۇرلى جول» ۆوكزالىنىڭ اۋماعىندا ينستاللياتسيا ورناتىلدى.
ەسىل اۋدانىندا شاعىن ساۋلەت نىساندارى «استانا- بايتەرەك» مونۋمەنتىنىڭ جانىندا، تريۋمف اركاسىنىڭ جانىندا، بوتانيكالىق باقتا، جەلەكجولدا جانە حالىقارالىق اۋەجايدا ورنالاسقان.
بايقوڭىر اۋدانىندا بەس شاعىن ساۋلەت نىسانى ورناتىلدى، تاعى ەكەۋى تاياۋدا ورناتىلادى.
ايتا كەتەيىك، سپورت جارىستارى مەن مادەني ءىس-شارالارعا 100 مىڭنان استام تۋريست كەلەدى دەپ كۇتىلىپ وتىر.