استانا اكىمى LRT جەلىسىنىڭ قۇرىلىسى قاي دەڭگەيدە ءجۇرىپ جاتقانىن ايتتى

  استانا. KAZINFORM - بيىل ەلوردادا LRT قۇرىلىسىنىڭ بەتون تۇرعىزۋ جۇمىسى اياقتالماق. بۇل تۋرالى استانا قالاسىنىڭ اكىمى جەڭىس قاسىمبەك ءمالىم ەتتى.

«LRT جەلىسىنىڭ قۇرىلىسى بەلسەندى ءجۇرىپ جاتىر. جوبا رەسپۋبليكالىق بيۋدجەت ەسەبىنەن سالىنۋدا. ول ءۇشىن%3,75 بەن نەسيە الدىق، بۇل - وتە جاقسى پايىز. زايمنىڭ كولەمى شامامەن 1 ميللياردتان 1,3 -1,4 ميلليارد تەڭگەگە دەيىن»، - دەدى جەڭىس قاسىمبەك ۇكىمەت وتىرىسىنان كەيىن وتكەن باسپا ءسوز ءماسليحاتىندا.

سونداي-اق، ەلوردا اكىمى بيىل LRT جەلىسىنىڭ قۇرىلىسىنا قاتىستى قانداي جۇمىستاردىڭ اياقتالاتىنىن ايتتى.

«بيىل ەستاكادا بولىگى، ياعني بەتون تۇرعىزۋ جۇمىسىن اياقتاۋدى كوزدەپ وتىرمىز. كەلەسى جىلى جەلىنىڭ جوعارعى قۇرىلىسىن ءبىتىرۋ جوسپاردا بار. سونىمەن قاتار بۇگىندە پويىزدار مەن جابدىقتارعا تاپسىرىس بەرۋ جۇمىسى قولعا الىندى»، - دەيدى شاھار باسشىسى.