استانا اكىمى ل ر ت قاشان رەسمي ىسكە قوسىلاتىنىن ايتتى

استانا. قازاقپارات - 2026 -جىلدىڭ 1-توقسانىندا LRT رەسمي ىسكە قوسىلادى. بۇل تۋرالى استانا قالاسىنىڭ اكىمى جەڭىس قاسىمبەك ايتتى.

- جالپى، جازدىڭ سوڭىنا دەيىن پويىزداردىڭ ءبارى قالاعا جەتكىزىلەدى. قۇرىلىس جۇمىستارى تولىعىمەن اياقتالادى جانە كۇزدىڭ باسىندا پيلوتتىق رەجيمدە ىسكە قوسۋ جانە جوندەۋ جۇمىستارىن باستايمىز. 3 تەن 6 ايعا دەيىن ۋاقىت كەرەك. ءبىزدىڭ جوسپارىمىز بويىنشا كەلەسى جىلدىڭ 1-توقسانىندا بۇل كولىك رەسمي تۇردە جۇمىسىن باستايدى، - دەدى ول اقوردادا ب ا ق وكىلدەرىنىڭ ساۋالىنا وراي.

ايتا كەتەيىك، 30-مامىردا اقوردادا ب ا ق وكىلدەرى ءبىرىنشى ۆيتسە-پرەمەر رومان سكلياردان LRT قاشان پايدالانۋعا بەرىلەتىنىن سۇراعان ەدى. ساۋالعا جاۋاپ بەرگەن ول قارجىلاندىرۋدىڭ بار ەكەنىن، جاقىندا تەستىلىك رەجيمدە ىسكە قوسۋ جۇرگىزىلەتىندىگىن ايتا كەلە، LRT رەسمي تۇردە كەلەسى جىلدىڭ سوڭىندا قوسىلاتىنىن ايتقان بولاتىن.

24-مامىردا قىتايدىڭ تانشان قالاسىندا استانا قالاسىنا ارنالعان LRT ۆاگوندارىنىڭ العاشقى ەكى قۇرامى جىبەرىلدى. تانشان قالاسىنداعى زاۋىتتا جوبا اياسىندا بارلىعى 19 بىرلىك جىلجىمالى قۇرام جاسالادى. زاماناۋي، ءتورت سەكسيالى، جۇرگىزۋشىسىز جۇرەتىن، اۆتوماتتاندىرۋدىڭ ءتورتىنشى دەڭگەيىندەگى ۆاگونداردىڭ ءارقايسىسى 650 جولاۋشىعا ارنالعان.

اۆتور

مارلان جيەمباي