استانا اكىمدىگى كەشە اسكەري شەرۋگە كىرە الماعان تىل ارداگەرىنەن كەشىرىم سۇرادى
استانا. KAZINFORM - تىل ارداگەرى تەڭدىك يزاقوۆتىڭ اسكەري شەرۋگە كىرە الماي تۇرعان ۆيدەوسى كەشە الەۋمەتتىك جەلىلەردە جەلدەي ەسىپ، تاراپ كەتتى.
بۇگىن اقساقالدان استانا اكىمدىگى كەشىرىم سۇراپ، كوپ جىلعى ەڭبەگى ءۇشىن العىس ايتقانى بەلگىلى بولدى.
قالا اكىمدىگى باسپا ءسوز قىزمەتىنىڭ مالىمەتىنشە، جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى يليا سكۋب، قالانىڭ ىشكى ساياسات باسقارماسىنىڭ باسشىسى نۇرداۋلەت ءالمۇحانوۆ تىل ەڭبەككەرى پروفەسسور تەڭدىك يزاقوۆپەن جانە ونىڭ وتباسىمەن كەزدەسىپ، كوپ جىلعى ەڭبەگى ءۇشىن العىس ءبىلدىرىپ، 7-مامىر كۇنى شەرۋ وتەتىن ورىنعا كىرە الماعانى ءۇشىن كەشىرىم سۇراعان.
- ءىس-شارا اۋماعىنا ءوتۋ ارنايى ازىرلەنگەن ءتىزىم بويىنشا جۇزەگە اسىرىلدى. ورىن سانىنىڭ شەكتەلۋىن، سونداي-اق ارداگەرلەردىڭ جاسى ۇلعايعانىن ەسكەرە وتىرىپ، ءتىزىم ارداگەرلەر مەن تىل ەڭبەككەرلەرىنىڭ تۋىستارىنان تىكەلەي تۇسكەن وتىنىشتەر بويىنشا عانا ازىرلەندى، - دەپ ءتۇسىندىردى اكىمدىكتەن.
بۇل رەتتە شەرۋگە ەلىمىزدىڭ بارلىق وڭىرىنەن ارداگەرلەر مەن تىل ەڭبەككەرلەرى قاتىستى. تەڭدىك يزاقوۆتىڭ وتباسىنان ءوتىنىش تۇسكەن جوق.
اكىمدىك تەڭدىك يزاقوۆ پەن ونىڭ جاقىندارىنان تۋىنداعان جاعدايعا بايلانىستى شىن جۇرەكتەن كەشىرىم سۇراپ، قاريانى 9-مامىر كۇنى گۇل شوقتارىن قويۋ راسىمىنە شاقىرعان.
ەسكە سالا كەتەيىك، كەشە 7-مامىر وتانقورعاۋشى كۇنى مەرەكەسىنە وراي استانادا اسكەري شەرۋ وتكەن بولاتىن.